• Йеңилиқлар
  • 30 Қаңтар, 2012

Улар аһалини қорқутмақчи болған

Улар аһалини қорқутмақчи болған

—                 Мәмликәттики вәзийәт һоқуқ қоғдаш органлири тәрипидин толуқ назарәт қилиниватиду, буниңдин кейин экстремизмниң һәр қандақ көрүнүшлириниң алди елинип, гунаһкарлар сотқа тартилиду вә күчкә егә қанунға мувапиқ җазалиниду, — дәп билдүрди җумһурийәт Баш прокуратурисиниң рәсмий вәкили Нурдәулет Суиндықов йеқинда Астанада болуп өткән мәтбуат конференциясидә.

У 31-октябрьдә Атыравда орун алған партлашларниң тәпсилатиға тохтилип, тәргәв орунлириниң өзини өзи өлүмгә тиккән адәмниң ким екәнлигини ениқлиғанлиғини хәвәр қилди. У Атырав шәһириниң турғуни, 24 яшлиқ Б.Султанғалиев болуп чиқти. Оператив хадимлар униң өйини тинтиш вақтида йәнә бир қолдин ясалған партлаш қурулмисини, уни тәйярлаш үчүн компонентларни, шундақла қолдин ясалған бомбиларни қураштуруш бойичә көрсәтмиләрни тапқан.

Сәл кейинәрәк Султанғалиевниң йәнә төрт шериги партлашларға мунасивәтлик дегән гуман билән қолға елинип, уларму өз гунасини бойниға алди.

Тәргәв орунлири террорлуқ топниң 2009-жили ғазат қилиш идеялириниң, җүмлидин Шималий Кавказда қаза болған атақлиқ экстремистлар тәрғибатчиси Саид Буряцкийниң тәсири астида тәшкил қилинғанлиғини ениқлиди. Топ әзалири чәт әлгә ғазат уюштуруш үчүн чиқиш планлириниму қурған.

Сентябрь ейида мәзкүр топ «Джунд-әлХалифат» (Халифат солдатлири) террорлуқ тәшкилати билән алақә орнитиду. Бу тәшкилат бийил 25-октябрьдә вә 1-ноябрьдә Қазақстанға ховуп туғдуридиған билдүрүшләрни тарқитип йүз бәргән партлаш үчүн җавапкәрликни өз үстигә алған еди.

Нурдәулет Суиндықовниң хәвәрлишичә, «Джунд-әлХалифат» (Халифат солдатлири) террорлуқ тәшкилат бийил язда мәмликитимиз территориясидә ғазат уюштуруш үчүн Қазақстан гражданлири Ринат Хабидолла, Орунбасар Мунатов вә Дамир Зналиев тәрипидин қурулған еди. Баш прокуратуриниң мәлуматлириға қариғанда, һазир улар Авғанстан — Пакстан чегарисида йошурунуватиду вә хәлиқ ара террорчилар тәрипидә болуп уруш һәрикәтлиригә қатнишиватиду.

Һоқуқ қоғдаш вә мәхсус хизмәт органлири «Джунд-әлХалифат» террорлуқ тәшкилатиниң әзалирини қанунда бәлгүләнгән җавапкәрликкә тартиш вә уларниң җинаий паалийитини тохтитиш бойичә зөрүр болған барлиқ чариләрни көрүватиду, — дәп тәкитлиди Нурдәулет Суиндықов. — Атыравда йүз бәргән вақиә аһалиниң көпчилигини тәшвишләндүрди, у шундақла яшларниң исламниң һәқиқий қанунийәтлирини тоғра чүшәнмәслигиниң, хәлқимиз үчүн ят болған диний еқимларға берилип кетишиниң паҗиәлик әһвалларға елип келидиғанлиғи тоғрилиқ ойлинишқа мәҗбур қилди.

—                 Гражданларни һошияр болушқа, паракәндиликкә берилмәсликкә вә әң муһими, йеқинлириниң радикал қурулумлар қатариға кирип қелиштин сақлашқа чақирған болар едим, — дәп диққәтни җәлип қилди Нурдәулет Суиндықов.    

 

 

342 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы