- Әхбаратлар еқими
- 20 Сәуір, 2017
Жутдашлар өмлүгини көрсәтти
Йеқинда Ғәйрәт йезисида узун жиллардин буян шәкилләнгән әнъәнивий шәнбилик өткүзүлди. Бир кишидәк жиғилған жут аһалиси бу күни йеза мәркизигә орунлашқан мечит әтрапи билән қәбирстанлиққичә болған йолниң икки қанитини, тупрақ бешиниң ичи-тешини тазилиди, дәрәқләрни путап, һаклиди. Һәр жили өткүзүлүп келиватқан мошундақ соваплиқ ишқа жирақ-йеқинда яшаватқан жутдашларму иштрак қилип, ғәйрәтликләр йәнә бир қетим өмлүги билән иттипақлиғини намайиш қилди. Ахирида Мөрдиновлар, Азнибақиевлар, Җалаловлар вә Ибрагимовлар әвлади тәрипидин әрвалар роһиға атап нәзир берилди.
Бу күни шундақла жут паалийитигә мунасивәтлик айрим мәсилиләрму қаралди. Җүмлидин жигитбеши Мөһидин Турғановниң саламәтлигигә бағлиқ илтимаси қанаәтләндүрүлүп, орниға орунбасари болуп ишләватқан Арман Мусәлимов сайланди.
Чүштин кейин болса, жилдиқидәк, кочиларара футбол мусабиқиси рәсмий башланди.
Абдулҗан АЗНИБАҚИЕВ.Әмгәкчиқазақ наһийәси.
651 рет
көрсетілді0
пікір