• Хәйрихаһлиқ
  • 08 Маусым, 2017

Хәйрихаһлиқ давамлишиду

Мәлумки, ҖУЭМ паалийити Қазақстан Җумһурийитиниң Президенти Нурсултан Назарбаевниң стратегиялик планлириға һәм Қазақстан хәлқигә йоллиған мәктүплириниң тезислириға асасланған.  Униңдин ташқири, бизниң барлиқ ишлиримиз Алмута шәһири, Алмута вилайити һакимийитиниң һәм ҚХА кативати билән келишилгән һалда әмәлгә ашурулиду. ҖУЭМ паалийитидики асасий принциплар — Қазақстанда яшаватқан уйғурларниң мәдәнийитини, сәнъитини, ана тилини сақлаш вә риваҗландуруш, милләтләрара достлуқни күчәйтиш, течлиқни сақлаш, яшларни вәтәнпәрвәрлик роһта, алий гражданлиқ мәвқәдә тәрбийиләштин ибарәт. Йәни бир муһим йөнилишләрниң бири — Қазақстанда паалийәт елип бериватқан уйғур җәмийәтлик тәшкилатлирини бирләштүрүштур. Шундақла ҖУЭМ өз паалийитидә хәйрихаһлиқ саһасиға алаһидә көңүл бөлүватиду. Мәсилән, еғир ағриққа муптила болған Ә.Һашировни чәт әлдә давалаш үчүн мәбләғ жиғиш мәхситидә эстрада юлтузлириниң қатнишиши билән хәйрихаһлиқ концерт өткүзүлүп, униңдин чүшкән мәбләғ (2 млн. 500 миң тәңгә) бемарниң һесап-чотиға әвәтилди. Әйнә шундақ хәйрихаһлиқ ярдәм Р.Абитоваға (1 млн. 580 миң тәңгә), И.Турсунға (2 млн. 800 миң тәңгә)  көрситилди. Тәшкилатниң тәшәббуси билән һәр жили «Анилар күни» өткүзүлүп кәлмәктә. Бу чарә-тәдбиргә 75 яштин жуқури 400дин ошуқ нураний ана тәклип қилинип, тәнтәнә өткүзүлиду. Бу мәхсәт үчүн бәш жилда 3 миллиондин ошуқ тәңгә хәшләнди. 2015-жили Қариғанда вилайитидә тәбиий апәт йүз бәргәндә уйғурлар 3 миллион тәңгә көләмидә ярдәм көрсәтти. Униңдин ташқири ҖУЭМ йенидики «Нураний анилар» кеңиши (рәһбири Г.Муратова) вә «Җанан» фонди (рәһбири М.Авамисимова) иҗтимаий тәминати начар аилиләргә, накаларға ярдәм қолини сунуп кәлмәктә. «Нураний анилар» кеңиши бу жилларда мошу мәхсәт үчүн 13 миллион 240 миң тәңгә хәшлиди. Әнди «Җанан» фонди болса, 4 миллион тәңгидин ошуқ ярдәм көрсәткән. 2015 — 2016-жиллири җумһурийәтлик Уйғур этномәдәнийәт мәркизиниң тәшәббуси билән «Разимәнлик карвини» вә «Мустәқиллик мевиси» акциялиригә ҖУЭМниң башқарма әзалири Алмута вилайитидә, Орал, Павлодар, Тараз, Чимкәнт, Астана, Ақтөбә шәһәрлиридә болуп уйғурларниң мәдәнийитини, сәнъитини тәрғип қилди. Бу мәхсәт үчүн 1 миллион 500 миң тәңгә хәшләнди. Әлвәттә, маарип саһасиму һечқачан ҖУЭМ нәзәридин сирт қалмиған. 2012 — 2017-жиллар арилиғида маарип саһаси үчүн 6 миллион 727 миң тәңгә бөлүнди. Хуласиләп ейтсақ, җумһурийәтлик Уйғур этномәдәнийәт мәркизи мошу бәш жил (2012 — 2017-жж.) ичидә 58 миллион 547 миң тәңгә көләмидә хәйрихаһлиқ ярдәм көрситипту. Келәчәктиму бу ишимиз давамлишиду дәп ойлаймән. Зихруллам ҚУРВАНБАҚИЕВ, җумһурийәтлик Уйғур этномәдәнийәт мәркизиниң иҗраий мудири.

801 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы