• Әхбаратлар еқими
  • 22 Маусым, 2017

Инақлиғини намайиш қилди

Бала қаза көрүнүп кәлмәс.../ Мәшүр САСИҚОВ, «Уйғур авази»/ 21-май. Пешин мәз­гили. Талғир наһи­йәсидики Қизил Туғ йезисиниң турғуни Патәм Һетахунованиң язлиқ өйидин чиққан қара түтүн, холум-хошнилар билән өткән-кәчкәнләрни дәрру һәләйкүмгә салди. Дәсләп ана лавулдиған отни өзи өчәрмәкчиму болған. Лекин уни тизгинләш мүмкин әмәс еди. Болупму газ баллони йерилғандин кейин униң даириси техиму кәңийип, чоң өйму от-қоқасниң ичидә қалди. Шундақ қилип, бу тилсиз йеға көзни жумуп ачқан арилиқта чоң-кичик болуп, җәми сәккиз җан хатирҗәм яшаватқан маканни күлгә айландурди. Бәхиткә яриша, от өчәргүчиләр отниң хошна өйләргә өтүп кетишиниң алдини елип үлгәрди. Өй егиси Патәм ана бала-чақилириниң аман қалғанлиғиға шүкри қилғини билән, миң җапалар билән салған һәм һаятиниң нурғун қисмини өткүзгән қутлуқ маканидин айрилип қалғанлиғини ойлиса, жүрәклири моҗуйду. Йеқинда апәткә учриған аилиниң әһвалини сорап барғинимизда, ана йәнә көз-яш қилди. Көңүл ейтип келиватқан жутдашлар билән жирақ-йеқиндики тонуш-билишләрниң айиғи үзүләр әмәс. Улар пәқәт әһвал сораш биләнла чәкләнмәй, қолидин келишичә ярдәмму қиливатқан охшайду. Меһри дәрия, сахавәтлик инсан улардин бәк миннәтдар болған Патәм ана: «Бешимизға күн чүшкәндә жутумизда бизниң һалимиздин хәвәр алмиған бирму адәм қалмиди. Жирақ-йеқиндики уруқ-туққанлиримизму һисдашлиқ билдүрди. Һәммиси келип, имка­нийитиниң йетишичә қол учини бериватиду. Уларға рәхмәт. Мениңдин қайтмиса, Алладин қайтар» дәйду тәвринип. Һәқиқәтән, жутниң, уруқ-туққанларниң қәдир-қиммити мана мошундақ пәйтләрдә бөләкчә сезилиду. Мундақ ишларда дайим бир-биригә яр-йөләк болушқа адәтләнгән қизилтуғлуқлар бу қетимму өзлириниң өм­лүгини йәнә бир қетим көрсәтти. Шуниң нәти­җисидә бу күнләр Патәм аниниң һойлисиға сели­ниватқан чоң өйниң там­лири турғузулуп, че­­дири йепиливатиду. Қу­рулушчилар көп­чиликниң ярдими билән язниң ахириғичә аилә әзалирини йеңи өйгә киргүзүветишни мәхсәт қилмақта.

961 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы