• Замандаш
  • 22 Маусым, 2017

«Алтун тойға» күтүлмигән соға

Мәшүр САСИҚОВ, «Уйғур авази»/ Һәр кәсипниң өзигә хас алаһидиликлири бар. Шу сәвәптин узун жиллар давамида жүргүзгүчи сүпитидә автомобиль «тизгинини» тутуп келиватқан Мирзәхмәт ака Ғәниевниңму бу җәһәттин ейтари көп. Униң өз дәвридә дәсләп Панфилов наһийәлик кейинирәк Алмута вилайәтлик комсомол комитетида ишлигән, дөләт вә җәмийәт әрбаби Кеңес Аухадиевниң хизмитидә узақ вақит болғанлиғи сөзүмизгә испат болалайду. Йеши йәтмиштин ешип кәтсиму, у һеликәм үгәнгән ишидин қол үзгини йоқ. Тәҗрибилик жүргүзгүчиниң шу йешида Алмутидәк транспорт васитилири қайниған чоң шәһәрдә, исми җумһурийитимизгә кәң тонулған Қазақстан Язғучилар иттипақи башқармисиниң рәиси, атақлиқ шаир Нурлан Оразалиндәк шәхсни хизмәт бабидики ишлар бойичә автомобильда тошуш вәзиписиниң һөддисидин чиқип келиватқанлиғи, униң һәқиқәтәнму өз кәспигә чин берилгәнлигини, машина һайдашниң қир-сирлирини чоңқур өзләштүргәнлигини ипадиләйду. Бийил әйнә шу акимизниң өмүрлүк җүпти Хелчибүви Авут қизи билән аилә қурғиниға 50 жил бопту. Һәдимиз Алмутидики «Қазақстан» ательесида тикинчи болуп ишлигән.  Улар өзлириниң «алтун тойини» нишанлаш тоғрилиқ һеч ойлимиған екән. Лекин қизи Гүлмира ата-аниси үчүн күтүлмигән соға тәйярлап қоюпту. – Гәпниң расти, һәдәң иккимиз өй-отақлиқ болғинимизниң 50 жиллиғиға толғиниға анчә әһмийәт бәрмәптимиз, – дәп сөзни башлиди Мирзәхмәт ака. – Мән дәм елишсиз ишләйдиған адәм. Өйдин әтигән чиқип кетип, кәч келимән. Шундақ қилип жүрүп, бәзидә вақитниң қандақ өтүп кәткинини сәзмәй қалимиз. Бир күни иш вақтим түгәй дегәндә, қизим телефон қилип: «Дада, бүгүн имканийәт болса, иштин әтигәнирәк келишкә тиришиң» деди. Алдирап өйгә кәлдим. Һәммә нәрсә өз орнида екән. Қизимниң немә үчүн әтигән келишимни илтимас қилғанлиғиға һәйран болдум. Һәдәңму аң-таң. Пәқәт қизимиз шәһәрдики кафеларниң биригә келишимизни җекиләп қоюпту. Кийимлиримни авуштуруп, бәлгүләнгән җайға бардуқ. Һечнәрсидин хәвәрсиз кафениң ичкирисигә киришимизгила йеқимлиқ музыка астида уруқ-туққан, қом-қериндаш, дост-яранлиридин тәркип тапқан оттузға йеқин адәм «Мубарәк болсун!» дәп, бизни дағдуғилиқ тәбрикләшкә башлиди. Биз шу чағдила аилә қуруп, 50 жил биллә яшаватқинимизни ядимизға алдуқ. Пәрзәнтлиримизниң бу күтүлмигән соғиси бизгә һәқиқәтәнму унтулмас дәқиқиләрни һәдийә қилди. «Алтун той» егилири шу күни җәм болған йеқинлири билән пуғани қанғичә муңдишип, көңүл көтәрди. Меһманлар ата-ана қәдригә йетип, уларни хошаллиққа бөләш нийитидә ушбу мәрасимни уюштурған Мирзәхмәт акиниң қизи Гүлмираға апирин әйләп, тәвәллуд егилиригә узақ өмүр тилиди. Буниңдин хелә жиллар илгири Решит исимлиқ ширғуран оғлидин туюқсиз айрилип қалғанда Мирзәхмәт ака билән Хелчибүви һәдә үчүн һаят гоя тохтап қалғандәк билингән еди. Мана шуниңдин буян қизи Гүлмира һәрхил йоллар арқилиқ ата-анисиниң мискин көңлини елишқа тиришип кәлмәктә. Бу қетимму униң ата-анисиниң үзлиридин күлкә аламәтлирини, хошаллиқ изналирини көргүси кәлгән еди... ...«Алтун тойдин» кейин Мирзәхмәт ака биринчиләрдин болуп өйгә алдириди. Сәвәви, әтиси йәкшәнбә болушиға қаримай, у ишқа бериши керәк. Әгәр у қириқ йәттә жил һәмра болған рульни бир күн тутмиса, «ағрип» қелишиму еһтимал. Униң үстигә, у жуқурида қәйт қилғинимиздәк, мәсъул хизмәттә жүргән шәхсни тошуйду. Демәк, униң хизмитиму интайин җавапкәр...

611 рет

көрсетілді

1

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Sophia Lacey

27 Қыркүйек, 2021

Hey there, There are LAST FEW DAYS to get our bestselling databases with savings... ...you will NOT get it at this price point ever again. So I want to make sure you know… This is a rare opportunity for you to get your hands on to our most popular databases that are designed to grow your business faster and more easily... And, as always, our offers come with a flat 50% OFF on email lists of your choice. It’s that simple. So don’t miss out... If you’re looking for more traffic, leads, and sales without breaking the bank, go to www.EmailDataPro.com to find out more! I hope to hear from you soon! To your success in 2021 & beyond, Emaildatapro.com

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы