• Хәйрихаһлиқ
  • 20 Шілде, 2017

Бәргән қол соғулмас

Йеқинда җумһурийәтлик Уйғур этномәдәнийәт мәркизигә Дилшат Нуршат исимлиқ бир жигит қәдәм тәшрип қипту. Дилшатниң бу йәргә келиштики мәхсити иҗтимаий тәминати начар аилиләргә хәйрихаһлиқ ярдәм көрситиш екән. Уқушсақ, Дилшат әсли тарихий вәтинимизниң Ғулҗа шәһиридә дунияға кәпту.2000-жили ата-аниси Нуршат вә Гүлминәм һәм иниси Азат, сиңлиси Адилә билән Қазақстан дияриға көчүп чиқипту. Һазир Талғир наһийәсигә қарашлиқ Бесағаш йезисида истиқамәт қилидекән. Җумһурийәтлик Уйғур этномәдәнийәт мәркизи йенидики Ханим-қизлар кеңиши рәисиниң орунбасари Таҗиниса Тохтиева билән һәмкарлиқта Алмутида тиҗарәт қиливетипту. У бу күни велосипед, коляска вә башқиму нәрсиләрни елип кәпту  һәм уларни тәминати начар аилиләрдики балиларға тапшуришимизни илтимас қилди. Хәлқимиздә «Бәргән қол соғулмас» дегән ибарә бар. Бу, әлвәттә,  Дилшат Нуршат, Таҗиниса Тохтиева охшаш сахавәт егилиригә қарита ейтилған гәп. Аримизда әйнә шундақ инсанлар  болғачқа, адәмләрниңму яхшилиққа болған ишәнчиси йоқимайду. Әлвәттә, биз халисанә ярдими үчүн уларға сәмимий тәшәккүримизни изһар қилимиз. Зихруллам ҚУРВАНБАҚИЕВ, ҖУЭМниң иҗраий мудири.

1041 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы