• Йеңилиқлар
  • 30 Қаңтар, 2012

«Ақ бота» конкурсиниң ғалиби

Силәр сүрәттин көрүп турған бу қиз — Назирәм Авутова җәнубий пайтәхтимиздики Мәсим Яқупов намидики 101-мәктәп-гимназияниң әлачи оқуғучиси. Барлиқ пәнләр бойичә яхши оқуп келиватқан Назирәмниң, болупму математикиға болған қизиқиши үстүн. Униң бу иштияқини байқиған пән муәллими Халидәм Қәмләкова бир нәччә жиллардин бери шагирти билән җиддий шуғуллинип кәлмәктә. Шуниң нәтиҗисидә Назирәм Авутова наһийәлик, шәһәрлик олимпиадиларға турақлиқ қатнишип, утуқларни қолға кәлтүрүшкә муваппәқ болуватиду. Яш талант үчүн болупму өткән жил алаһидә әһмийәткә егә болди. Йәни у 2011-жилниң 18-октябрь күни җәнубий пайтәхтимиздә уюштурулған җумһурийәтлик «Ақ бота» әқлий конкурсиға йолланма алған еди. Җумһурийәт мәктәплириниң 5 — 10-синип оқуғучилири иштрак қилған әйнә шу конкурста уйғур гимназиясиниң 9-синипида билим еливатқан уйғур қизи физика-математика йөнилиши бойичә мукапатлиқ орунларниң бирини егиләп, мәхсус сертификат билән тәғдирләнди вә мошу жилниң 3 — 7-январь күнлири Астана шәһиридә уюштурулған «Ақ бота» мәдәний тонуп-билиш марафониға қатнашти. Биз Назирәмни қолға кәлтүргән бу утуғи билән сәмимий тәбрикләп, техиму егиз пәллиләрдин көрүнүшигә тиләкдашлиқ билдүримиз. Шәмшидин АЮПОВ. Алмута шәһири.

807 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы