• Хәйрихаһлиқ
  • 25 Желтоқсан, 2017

«Имканийитиңларда чәк болмисун»

Мәшүр САСИҚОВ, «Уйғур авази»/ Түнүгүн Алмута шәһиридики «Аммар» кафесида «Инайәт» ассоциациясиниң вә «Амир» фондиниң уюштуруши билән имканийити чәкләнгән балиларға беғишланған Йеңижиллиқ арча мәйрими болуп өтти. Мәйрәмгә 70тин ошуқ нака балилар тәклип қилинип, уларға һамийлар тәрипидин концертлиқ программилар көрситилди.Тәкитләш керәкки, бу хәйрихаһлиқ паалийәт мәрһум Турғанҗан Розахуновниң тәшәббуси билән башланған болуп, алтә жилдин буян турақлиқ давамлишип келиватиду. Бийилму, әнъәнә бойичә, мәйрәмлик арчиға тәғдир тәқәзаси билән саламәтлиги сир бәргән балилардин ташқири, уларниң һаятиға бепәрва әмәс, хәйри-сахавәтлик ишлири билән тонулған бир топ меһманлар қатнашти. Өз новитидә, уларму қуруқ қол кәлмәпту. Қизиқарлиқ шоу-программиларға қатнишип, көңүллири хуш болған нака балиларниң чеһрисидә күлкә аламәтлири көп болди. Чүнки алаһидә тәклип қилинған мәсхиривазларниң күлкилик оюнлиридин ташқири, меһманларниң уларға атиған соғилириму балиларни хошаллиққа бөлиди. Балиларни Йеңи жил билән тәбрикләш истигидә қәдәм тәшрип қилған меһманлар, җүмлидин «Бейбітшілік әлемі» қазақ иҗадий бирләшмисиниң рәиси Абен Нурманов билән вице-президенти Турсун Разиев мошундақ көпчиликкә үлгә боларлиқ чарә-тәдбирләрниң тәшәббускарлириға миннәтдарлиғини билдүрүп, уларға Пәхрий ярлиқларни тапшурди. Әнди бу арча мәйриминиң йәнә бир меһмини, йеқинда «Қазақстандики 100 йеңи исим» лайиһисидә ғалип чиққан режиссер Әзиз Зайиров өзиниң накалар қатариға киридиғанлиғини һәм уларниң мүшкүл әһвалидин яхши чүшинидиғанлиғини тилға елип, балиларни вә уларниң ата-анилирини һәрқандақ қийинчилиқлар алдида бойсунмаслиққа чақирди. Шундақла у өзиниң Йеңи жилда әмәлгә ашурушқа реҗилигән йеңи лайиһилири һәққидә тәпсилий сөзләп бәрди. Пурсәттин пайдилинип, мәйрәмниң тәшәббускарлири — «Инайәт» ассоциацияси рәисиниң вәзиписини орунлиғучи Сүлфи Мәшрәпов билән «Амир» фондиниң мудири Кенжебай Исаев нака инсанларға хошаллиқ һәдийә қилиш нийитидә уюштурулған ушбу чарә-тәдбиргә «Уларниң хошаллиғи — бизниң хошаллиғимиз» дәп өзлириниң салмақлиқ һәссисини қошқан барлиқ һамийларға чәксиз миннәтдарлиғини изһар қилидиғанлиғини ейтти.

724 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы