• Хәйрихаһлиқ
  • 15 Ақпан, 2018

Ярдәмгә муһтаҗлар ғәмхорлуққа елинди

Рашидәм РӘҺМАНОВА, «Уйғур авази»/ Өткән йәкшәнбә күни Әмгәкчиқазақ наһийәсиниң Челәк йезисидики «Нур-Муһәммәд» мечитида мәзкүр йезидики тәминати төвән аилиләр үчүн хәйрихаһлиқ акция болуп өтти. Атап кетиш керәкки, мәзкүр мечит 2011-жили меһир-сахавәтлик инсанлар Дилмурат Кузиев билән Билал Һошуровниң һамийлиғи билән қәд көтәрди. Мәзкүр мечитқа жут пәрзәнди Расул Шаһинов имам болуп сайланған еди. Мечит имаминиң яшларни тоғра йолға башлаш, ярдәмгә муһтажларниң хәвирини елиш охшаш инсаний хисләтлирини көпчилик яхши билиду. Бу қетим у Челәк йезисиниң баш жигитбеши Һебибуллам Абдуллаев билән мәслиһәтлишип, өйму-өй арилап, турмуш-тәминати начар аилиләрни тизимға елип, уларниң мүшкүл әһвалини һаллиқларға йәткүзди. Ярдәм қолини сунуш нийити вә имканийити бар адәмләрниму ениқлиди. Санақлиқ күнләр ичидә мечит һойлисидики мәдрисә синиплири кийим-кечәк, озуқ-түлүк қоймилириға айланди. Ихтисадий җәһәттин қийниливатқан аилиләр бу йәргә келип, өзлиригә керигини алидиған болди. Алдинқи йәкшәнбә күни болса, мечитта улар үчүн хәйрихаһлиқ дәстихан йейилип, 200 адәмгә тамақ тартилди. Мәзкүр чарә-тәдбиргә паал арилишиватқан жигитбашлириниң тәкитлишичә, муһтаҗларни ениқлаш җәриянида һәтта 28 жилдин буян электр энергиясисиз яшаватқан, өйидә су һәм пәч йоқ аилиләрму бар болуп чиққан. Қиштин көмүрсиз чиқиватқан аилиләрму учришипту. Бүгүнки күндә, миллитидин қәтъий нәзәр, 100дин ошуқ аилә челәклик активистларниң ғәмхорлуғиға елинипту. Бир-икки һәптиниң ичидә 115 аилигә 5 қаптин көмүр, ун, май, гөш вә башқиму озуқ-түлүкләр берилгән. Бәхиткә яриша, «ярдәм қилимән» дегән адәмләрниң саниму күндин-күнгә өсүветипту. Күн тәртивидики мәхсус қойма ечиш мәсилиси иҗабий һәл болуп, йеза мәркизидә униң үчүн бена тәйярлиниветипту. Хәйрихаһлиқ акциядә Челәк йезилиқ һакимийитиниң баш хадими Көпжасар Султанбеков, 40 жил жигитбеши хизмитини атқурған Рәхмәтҗан Ибрагимов вә Һебибуллам Абдуллаев сөз елип, хәйрихаһлиқ акцияни өткүзүштә тинмай әмгәк қилған жигитбашлири Нурмәһәмәт Данахунов, Иврайим Шакиров, Қурванҗан Сайитов, жут активисти Алишер Искәндәровқа миннәтдарлиғини изһар қилишти. Әмгәкчиқазақ наһийәси.

781 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы