• Йеңилиқлар
  • 30 Қаңтар, 2012

Өтмүш жилнамиси қачиланған көп томлуқ нәшир

«Первый Президент Республики Казахстан Нурсултан Назарбаев. Хроника деятельности» намлиқ көп томлуқ китап нәшир қилинди. У Дөләт рәһбири Идарисиниң башлиғи, сәясәтшунаслиқ пәнлириниң доктори, профессор Махмуд Қасымбеков рәһбәрлигидики иҗадий топ тәрипидин тәйярланди. Нәшир 16 томдин ибарәт болуп, 1990 — 2010-жилларни өз ичигә алиду. Дәсләпки 5 том 1990-жилларға беғишлинип, икки жиллиқ принцип бойичә топлаштурулған. Кейинки 11 том 2000 — 2010-жилларни ичигә елип, уларниң һәр бири бир жилниң вақиәси тоғрилиқ һекайә қилиду. Өзиниң мәзмуни вә техникилиқ җәһәттин орунлиниши бойичә мундақ хроникиниң илгәрки кеңәш кәңлигидә тәңдиши йоқ. Һәр бир том китап вә мультимедиялик компакт-дисклардин ибарәт. Китапта Дөләт рәһбириниң қатнишиши билән һәм мәмликәтниң ичидә, һәм сиртида йүз бәргән асасий чарә-тәдбирләргә, җүмлидин кеңәшмиләргә, иш бабидики учришишларға, чоң иҗтимаий-сәясий һәрикәтләргә, җумһурийәт бойичә иш бабидики вә чәт әлгә қилинған сәпәрләргә обзор берилиду. Китап фотосүрәтләр билән безәндүрүлүп, у оқуғучиға һекайә қилиниватқан вақиәләр маһийитигә техиму чоңқур чөкүш имканийитини бериду. Нәширниң аз чиқирилғанлиғи һесапқа елинип, униң билән кәң амминиң тонушушини тәминләш мәхситидә 1990 — 2010-жиллар вақиәлири әкис әткән компакт-дисклар www.akorda.kz сайтиға орунлаштурулди. Көп томлуқни тәйярлаш җәриянида нурғунлиған архив һөҗҗәтлирини үгиниш, уларни тәтқиқ қилиш вә системилаштуруш бойичә чоң иш елип берилди. Һазир 2011-жилға беғишланған новәттики том тәйярлинип, у келәр жили нәширдин чиқиду. Буниңдин кейинму һәр бир жилда бир том нәшир қилинидиған болиду. Умумән, мәзкүр нәшир, биринчи новәттә, алимларға, педагогларға вә оқуғучиларға, шундақла мәмликәтниң иҗтимаий-сәясий тәрәққият мәсилилиригә қизиққучи кәң аммиға молҗаланған муһим һөҗҗәтләр мәнбәси болуп һесаплиниду.  

679 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы