• Хәйрихаһлиқ
  • 09 Қаңтар, 2019

Үмүтсиз болма

Имканийити чәкләнгән балиларни оқутуш вә тәрбийиләш маарип саһасиниң аҗралмас бир қисми. Бу җәһәттин елимиздә Қазақстан Җумһурийитиниң 2011 – 2020-жилларға беғишланған программиси әмәлгә ашурулуватиду. Униңда маарип саһасиниң мутәхәссислиригә жүкләнгән вәзипиләрдә әқил-ойи тоғра тәрәққий етиватқан балилар билән биллә тәрәққиятида айрим камчилиқлар бар балиларниң билим елишиға имканийәтләрни яритиши көрситилгән. Мәлумки, һазир елимиздә Қазақстан Җумһурийитиниң дуниявий билим бериш кәңлигигә кириш үчүн нурғунлиған лайиһәләр әмәлгә ашурулуватиду. Әйнә шуларниң ичидә «Рухани жаңғыру» программиси даирисидә әмәлгә ашурулуватқан «Айналаңды нұрландыр» лайиһисиниң роли зор. Бу – елимизниң тәрәққияти үчүн алдимизға қойған стратегиялик мәхсәтләрни орунлашқа беғишланған чоң лайиһә. Мошу лайиһә даирисидә Әл-Фараби намидики Қазақ миллий университети химия факультетиниң декани Хайдар Тасибековниң тәшәббуси билән «Үміт сыйла» хәйрихаһлиқ акцияси өткүзүлди. Акция давамида факультет оқутқучилири вә студентлар, йәни «Көмек» җәмийәтлик фондиниң әзалири, Алмутидики 7-мәхсус мәктәптә болуп, балиларға соғиларни һәдийә қилди. Тәкитләш лазимки, химия факультети йенидики «Көмек» җәмийәтлик фондиниң әзалири һәр һәптидә, оқуштин бош вақитлирида имканийити чәкләнгән балилар билән учришип, уларниң келәчәккә болған ишәнчисини, үмүтини ашурушқа интилиду. Бақыт ТУСУПОВА, Орынкул ЕСИМОВА, Әл-Фараби намидики ҚазМУниң оқутқучилири.

916 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы