• 9-июнь – Қазақстан Җумһурийити Президентиниң сайлими күни
  • 30 Сәуір, 2019

Намзатлар көрситилди

Өткән йәкшәнбә күни 9-июньда өткүзүлидиған Президент сайлимиға намзатларни көрситиш аяқлашти. Сәясий партияләр вә җәмийәтлик тәшкилатлар 23-апрельдин тартип қурултайлирини вә алий башқуруш органлириниң мәҗлислирини өткүзүп, Президент сайлимиға қатнишиш үчүн намзатларни көрсәтти. Шундақ қилип, Президент сайлимида сәясий партияләр вә җәмийәтлик бирләшмиләр тәрипидин көрситилгән сәккиз намзат – Қасым-Жомарт Тоқаев (Nur Otan партияси); Дания Еспаева (“Ақ жол” партияси); Жамбыл Ахметбеков (Коммунистик хәлиқ партияси); Төлеутай Рахимбеков (“Ауыл” партияси); Садыбек Түгел (“Ұлы Дала қырандары” җәмийәтлик бирләшмиси); Амангелды Таспихов (Қазақстан Кәспий иттипақлар федерацияси); Әмиржан Қосанов “Ұлт тағдыры” миллий-вәтәнпәрвәрлик һәрикити); Жуматай Әлиев (“Халық демографиясы” җәмийәтлик бирләшмиси) авазға чүшиду. Әнди һәрбир намзатни қоллап-қувәтләш үчүн сайлиғучиларниң 118 140 имзаси топлиниши керәк. Имза топлашни намзатларниң ишәшлик вәкиллири жүргүзиду. Намзатларни ройхәткә елиш 11-май күни саат 18.00ғичә давамлишиду. Мәркизий сайлам комиссияси, әгәр дөләт кирими органлири декларацияләрдә көрситилгән кирим вә мүлүк тоғрилиқ мәлуматларниң натоғра екәнлигини ениқлиса, намзат ройхәттин өткүзүлмәйду. Мәлумки, икки сәясий тәшкилат – “Бірлік” вә Умуммиллий иҗтимаий-демографиялик партия – сайламға қатнишиштин ваз кәчти.

105 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы