• Кичик вә оттура тиҗарәт
  • 01 Тамыз, 2019

Кафе-кинотеатр ечилди

Уйғур наһийәсиниң мәркизи Чонҗа йезиси күндин-күнгә тәрәққий етип, шәһәрләргә хас қияпәткә кирмәктә. Территориясиниң кәңийип, хәлқи саниниң көпийиватқанлиғини ейтмиғанда, нурғунлиған йеңи нишанлар селинип, һөснигә һөсүн қошулмақта. Хулләс, Чонҗидики өзгиришләр һәққидә ейтсақ сөз нурғун. Шуңа гәпни ахирқи йеңилиқлардин башлимақчимиз. Сабирәм ӘНВӘРОВА, «Уйғур авази» Һалбуки, №5-Чонҗа оттура мәктивиниң қаршисидики «Алимҗан» тойханисини билмәйдиған чонҗилиқлар камдин-кам болса керәк. Мәзкүр тойханиниң ғоҗайинлири Асим Әзимов билән Майгүл Қурбановалар буниңдин он жил муқәддәм тиҗарәт йолиға қәдәм ташлиди. Йеқинда улар мәзкүр тойханини кафе-кинотеатрға айландуруп, чонҗилиқлар үчүн чоң йеңилиқ ачти. «Чонҗиға кинотеатр керәк!» дегән тәклип-пикир яшлар тәрипидин көп ейтилатти. Әндиликтә ушбу бошлуқниңму орни толуп, ихчам болсиму, хәлиқниң хизмитигә ярайдиған йеңи мәркәзниң лентиси қийилди. – Йошурушниң һаҗити йоқки, бүгүнки күндә Чонҗа йезисида дәссигән йериңдин тойхана, ашхана таписән. Йәни, наһийәмиздә кичик вә оттура тиҗарәт кәң қанат йейип, тиҗарәтчиләр арисидики риқабәтму күчәйди. Әслидә, кинотеатр ечиш – бизниң арминимиз еди. Шуңа, тиҗарәтниң йеңи қирини қолға елип, өзимизниң һәм өзгиләрниң арминини әмәлгә ашурушқа кириштуқ. Шәхсий хираҗитимизгә керәклик қурал-җабдуқ, үскүниләрни сетивелип, ихчам мәркәзни барлиққа кәлтүрдуқ һәм бу нишанни қизимизниң намида «Asmanі» дәп атидуқ, – дәйду Майгүл Қурбанова. Йеңидин ечилишиға мунасивәтлик кафе-кинотеатр икки күн барлиқ херидарларға һәқсиз хизмәт көрсәтти. Асим Әзимов ушбу кафе-кинотеатрида 3 адәмни иш билән тәминләпту. Мәркәз күндүзи саат бирдин кейин – балилар үчүн, саат сәккиздин онғичә яшларға хизмәт көрситидиған болиду. Шуни әсләп өтүш лазимки, Майгүл Қурбанова – 2018-жили, йолдиши Асим Әзимов бийил «Еңбек» нәтиҗилик иш билән тәминләшниң вә үзлүксиз тиҗарәтчиликни риваҗландурушниң 2017-2021-жилларға беғишланған программиси асасида Қазақстан Җумһурийитиниң «Атамекен» Миллий тиҗарәтчиләр палатисиниң уюштурушидики «Бастау бизнес» лайиһәси бойичә оқуп, қолиға сертификат алди. Тиҗарәтниң қир-сирини чоңқур үгинип, уни әмәлиятта җарий қилип, наһийәниң иҗтимаий-ихтисадий тәрәққиятиға бир кишилик һәссисини қошуп кәлмәктә. Биз өз новитидә ишбиләрмән Асимовлар аилисиниң тиҗарәтчилик паалийитигә ақ йол тиләймиз.

26463 рет

көрсетілді

273

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы