• Җәмийәтлик тәшкилатларда
• 20 Қараша, 2019

Йеқимлиқ йеңилиқлар нурғун

Өткән шәнбә күни Алмутидики «Достлуқ өйидә» җумһурийәтлик Уйғур этномәдәнийәт мәркизиниң кәңәйтилгән мәҗлиси болуп өтти. Униңға җәмийәтлик тәшкилатниң башқарма әзалири вә регионлардики шөбилириниң вәкиллири һәм җай-җайлардики җәмийәтлик ишларниң активистлири иштрак қилди. Шәмшидин АЮПОВ, «Уйғур авази» Баш қошушни җумһурийәтлик Уйғур этномәдәнийәт мәркизиниң рәиси, ҚХА Кеңишиниң әзаси, Қазақстан Җумһурийити Парламенти Мәҗлисиниң депутати Шаһимәрдан Нурумов киришмә сөз билән ачти. Өзәңлар яхши билисиләр, кейинки вақитларда елимиздә мәйли идеологиядә, мәйли ихтисатта болсун, көплигән иҗабий өзгиришләр йүз бериватиду. Әйнә шу өзгиришләрни хәлиққә тоғра йәткүзүш – җумһурийәтлик Уйғур этномәдәнийәт мәркизиниңму вәзиписи. Чүнки биз, җумһурийәтлик Уйғур этномәдәнийәт мәркизи – Қазақстан хәлқи Ассамблеясиниң тәркивидә җиддий паалийәт елип бериватқан җәмийәтлик тәшкилат. Һөрмәтлик, қериндашлар, сөзүмни һәммимизни хуш қилидиған йеқимлиқ хәвәр билән давамлаштурушни тоғра көрүватимән. У болсиму, йеқинда қанунға мувапиқ җумһурийәтлик регионаллиқ җәмийәтлик тәшкилатларниң аккредитацияси өтти. Әйнә шуниңдин ҖУЭМниңму утуқлуқ өткәнлигини йәткүзмәкчимән. Униңда атқурулған яхши ишлиримиз тилға елинип, ҚХА Рәисиниң орунбасари – ҚХА Кативатиниң мудири Жансейит Түймебаев вә униң рәһбәрлигидики кеңәш әзалири тәрипидин иҗабий баһа берилди. Бу, әлвәттә, силәрниң, башқарма әзалириниң, һәм ҖУЭМниң наһийәләрдики, вилайәтләрдики шөбилириниң актив паалийәт елип бериши нәтиҗисидә қолға кәлтүрүлди. Бүгүн мән силәрни мошу қол йәткүзгән утуғиңлар билән қизғин тәбрикләймән. Андин кейин Шаһимәрдан Үсәйиноғли ҖУЭМниң структурисиға тохтилип, 24 бюро вә 89 башқарма әзасини, 12 кеңәш вә униң рәислирини вә ушбу җәмийәтлик тәшкилатниң регионлардики 15 шөбисиниң рәислирини һәм уларниң паалийитиниң изчил меңишиға җавапкәр шәхсләрниң сайланғанлиғини атап өтти. Шундақла ҖУЭМ рәиси бюро әзалириниң бир еғиздин қоллап-қувәтлиши билән Маарип кеңишиниң рәиси болуп сайланған Шерипҗан Илияровни, Уйғуршунаслиқ кеңишиниң рәиси болуп сайланған Руслан Арзиевни, ҖУЭМниң Алмута шәһәрлик шөбиси Ханим-қизлар кеңиши рәисиниң орунбасари болуп сайланған Санийәм Бавдиновани көпчиликкә тонуштурди (Төвәндә ҖУЭМниң структуриси бериливатиду — Ш. А.). Шуниңдин кейин Шаһимәрдан Үсәйиноғли Парламенттики ишларғиму қисқичә тохталди. Җүмлидин муәллим мәртивиси вә башқа қанун лайиһилири бойичә жүргүзүлүватқан өзгиришләр һәм йеңилиқлар тоғрилиқ әхбарат бәрди. Тәкитләш лазимки, үстимиздики жилниң август ейида ҖУЭМниң кәңәйтилгән мәҗлисидә мәркәз рәисиниң жигитбашлири билән ханим-қизларға мәктәпләргә бала топлаш бойичә бәргән тапшурмиси көңүлдикидәк орунлинип, бийил 1-синипқа кәлгән балиларниң сани жилдикигә нисбәтән бираз көпәйди. Жуқурида қәйт қилинған изгү ишларниң һәммиси, жиғип кәлгәндә, ханим-қизлар билән жигитбашлириниң вә башқа миллий мәдәнийитимиз җанкөйәрлириниң шиҗаәтлик әмгигиниң нәтиҗисидур. — Пурсәттин пайдилинип, һәммиңларға чоң рәхмәт ейтқум келиду. Мошу миннәтдарлиқни силәр, һөрмәтлик башқарма әзалири, йезиларға, жуттики җанкөйәрлиримизгә йәткүзүңлар, —деди рәис. Баш қошуш давамида ҖУЭМниң Алмута шәһәрлик шөбисиниң рәиси, медицина пәнлириниң намзити Әбәйдуллам Җаппаров, «Уйғур авази» гезитиниң баш муһәррири, ҖУЭМ рәисиниң орунбасари Ершат Әсмәтов, ҖУЭМ йенидики Жигитбашлири кеңишиниң рәиси Ярмәһәмәт Кебиров, ҖУЭМ йенидики Алимлар кеңишиниң рәиси, биология пәнлириниң доктори Мәсимҗан Веләмов, ҖУЭМниң Алмута шәһәрлик шөбиси Жигитбашлири кеңишиниң рәиси Сабит һаҗим Йүсүпов, «Туран дунияси» җәмийәтлик фондиниң мудири Карлин Мәхпиров сөз болуватқан мәсилиләр әтрапида өз ой-пикирлири билән ортақлашти. Мәзкүр баш қошушта жиғин қатнашқучилири, шундақла мәркәзниң Павлодар вилайәтлик шөбисиниң Павлодар вилайәтлик сотиниң қарариға бенаән йоқ қилинғанлиғидин хәвәрдар болди. ҖУЭМниң кәңәйтигән мәҗлисини Шаһимәрдан Нурумов йәкүнләп, башқарма әзалириниң буниңдин кейинму «бир яқидин баш, бир йәңдин қол чиқирип», мәркәзниң низамнамисиға мувапиқ бамәслиһәт ишлишигә ишәнчә билдүрди вә көпчиликни ҖУЭМ тәрипидин кәлгүси жили әмәлгә ашурулидиған ишларниң плани билән тонуштурди. “Қазақстан уйғурлириниң җумһурийәтлик мәдәнийәт мәркизи” җәмийәтлик бирләшмисиниң рәһбәрлиги Шаһимәрдан НУРУМОВ – рәис, ҚҖ Парламенти Мәҗлисиниң депутати, ҚХА Кеңишиниң әзаси Сәдирдин ӘҺӘТОВ – рәисниң орунбасари, ҚХА әзаси Ершат ӘСМӘТОВ – рәисниң орунбасари, “Уйғур авази” җәмийәтлик-сәясий гезитиниң баш муһәррири, ҚХА әзаси Нурмәһәмәт ПАЛТАХУНОВ – рәисниң орунбасари Шәмшиқәмәр АБДРАХМАНОВА – рәисниң орунбасари “Қазақстан уйғурлириниң җумһурийәтлик мәдәнийәт мәркизи” җәмийәтлик бирләшмиси Башқармиси бюросиниң әзалири: Шаһимәрдан НУРУМОВ – ҚҖ Парламенти Мәҗлисиниң депутати, ҚХА Кеңишиниң әзаси, ҖУЭМ рәиси Сәдирдин ӘҺӘТОВ – ҖУЭМ рәисиниң орунбасари, ҚХА әзаси Ершат ӘСМӘТОВ – ҖУЭМ рәисиниң орунбасари, “Уйғур авази” җәмийәтлик-сәясий гезитиниң баш муһәррири, ҚХА әзаси Нурмәһәмәт ПАЛТАХУНОВ – ҖУЭМ рәисиниң орунбасари Шәмшиқәмәр АБДРАХМАНОВА – ҖУЭМ рәисиниң орунбасари Зихруллам ҚУРВАНБАҚИЕВ – ҖУЭМниң иҗраий мудири Әбәйдуллам ҖАППАРОВ – ҖУЭМниң Алмута шәһәрлик шөбисиниң рәиси, медицина пәнлириниң намзити Долқунтай АБДУХЕЛИЛ – ҖУЭМниң Алмута шәһәрлик шөбиси рәисиниң орунбасари, ҚХА әзаси Закирҗан КУЗИЕВ – Алмута вилайәтлик Уйғур этномәдәнийәт мәркизиниң рәиси, Алмута вилайәтлик мәслиһәтниң депутати, ҚХА әзаси Шавкәт ӨМӘРОВ – ҖУЭМ йенидики уйғур тилида билим беридиған мәктәпләр ассоциациясиниң рәиси, Алмута шәһәрлик мәслиһәтниң депутати, ҚХА әзаси Мәсимҗан ВЕЛӘМОВ – ҖУЭМ йенидики Алимлар кеңишиниң рәиси, биология пәнлириниң доктори, профессор Шерипҗан ИЛИЯРОВ – ҖУЭМ йенидики Маарип кеңишиниң рәиси Әхмәтҗан ӘҺӘТ – ҖУЭМ йенидики Рәссамлар кеңишиниң рәиси, Қазақстанниң хизмәт көрсәткән әрбаби Рустәм ХӘЙРИЕВ – ҖУЭМ йенидики Қазақстан Уйғур Яшлири Бирлигиниң рәиси, ҚХА әзаси Ярмәһәмәт КЕБИРОВ – ҖУЭМ йенидики Жигитбашлири кеңишиниң рәиси Сәнәм БЕШИРОВА – ҖУЭМ йенидики Ханим-қизлар кеңишиниң рәиси, ҚХА әзаси Гүлҗаһан МУРАТОВА – ҖУЭМ йенидики “Нураний анилар” кеңишиниң рәиси Зорәм АВУТОВА – ҖУЭМ йенидики “Уйғур анилар кеңиши” җәмийәтлик бирләшмисиниң рәиси Мизангүл АВАМИСИМОВА – ҖУЭМ йенидики «Җанан» җәмийәтлик фондиниң рәиси Иминҗан ТОХТАХУНОВ – Алмута вилайити Талғир наһийәлик Уйғур этномәдәнийәт мәркизиниң рәиси Әкрәм НУРДУНОВ – ҖУЭМ йенидики Спорт кеңишиниң рәиси Каминур СОПИЕВА – Алмута вилайити Талғир наһийәси бойичә Ханим-қизлар кеңиши рәиси Рошәнгүл ТОХТАХУНОВА – ҖУЭМ йенидики Спорт кеңиши рәисиниң орунбасари Модәнгүл ҖҮМӘЕВА – ҖУЭМниң Алмута шәһәрлик шөбиси Ханим-қизлар кеңишиниң рәиси Айшәм НОРУЗОВА – Алмута вилайити Хәшкиләң наһийәлик Уйғур этномәдәнийәт мәркизиниң рәиси ҖУЭМ йенидики кеңәшләр вә уларниң рәислири Уйғур тилида билим беридиған мәктәпләр ассоциацияси — Шавкәт ӨМӘРОВ, Алмута шәһәрлик мәслиһәтниң депутати, ҚХА әзаси Алимлар кеңиши – Мәсимҗан ВЕЛӘМОВ, биология пәнлириниң доктори, профессор Медицина кеңиши – Әбәйдуллам ҖАППАРОВ, медицина пәнлириниң намзити Маарип кеңиши — Шерипҗан ИЛИЯРОВ Қазақстан Уйғур Яшлири Бирлиги — Рустәм ХӘЙРИЕВ, ҚХА әзаси Рәссамлар кеңиши – Әхмәт ӘҺӘТ, Қазақстанниң хизмәт көрсәткән әрбаби Спорт кеңиши – Әкрәм НУРДУНОВ Жигитбашлири кеңиши – Ярмәһәмәт КЕБИРОВ Ханим-қизлар кеңиши – Сәнәм БЕШИРОВА, ҚХА әзаси “Нураний анилар” кеңиши — Гүлҗаһан МУРАТОВА “Җанан” җәмийәтлик фонди — Мизангүл АВАМИСИМОВА Ишбиләрмән аяллар клуби — Клара ШАРДИНОВА “Уйғур анилар кеңиши” җәмийәтлик фонди — Зорәм АВУТОВА Ақсақаллар кеңиши – Абдуллам АБДРАХМАНОВ ҖУЭМниң регионлардики шөбилири вә уларниң рәислири Нур-Султан шәһәрлик шөбиси — Рустәм АБДУСАЛАМОВ, ҚХА әзаси Алмута шәһәрлик шөбиси — Әбәйдуллам ҖАППАРОВ Җамбул вилайәтлик шөбиси — Муһәббәт ТУРДИЕВА, ҚХА әзаси Орал шәһәрлик шөбиси — Асийәм ҮСӘНОВА, ҚХА әзаси Атырав вилайәтлик шөбиси — Гүлназ ИМИРОВА Чимкәнт шәһәрлик шөбиси — Гөзәл ТЕМИРОВА, ҚХА әзаси Ақтөбә вилайәтлик шөбиси — Тиләпҗан ИБРАГИМОВ, ҚХА әзаси Ақтав вилайәтлик шөбиси — Адилҗан АЛИМҖАНОВ, ҚХА әзаси Қарағанда вилайәтлик шөбиси — Абдумеҗит ВӘЛИЕВ Түркстан вилайәтлик шөбиси — Батурҗан МӘННИКОВ ҖУЭМниң регионлар бойичә уйғунлаштурғучилири Мәркизий регион (Алмута вилайити) – Әркин Җүмәев Җәнубий регион (Чимкәнт шәһири, Җамбул, Түркстан вилайәтлири) – Муһәббәт Турдиева Шималий регион (Нур-Султан шәһири, Ақмола, Павлодар, Қостанай, Жезқазған, Қарағанда вилайәтлири) – Рустәм Абдусаламов Ғәрбий регион (Ақтав, Атырав, Ақтөбә, Орал вилайәтлири) – Тохтасун Әйсаров Руслан Уйғуроғли АРЗИЕВ 1961-жили Уйғур наһийәсиниң Кәтмән йезисида дунияға кәлгән. Оттура мәктәпни Дардамту йезисида тамамлиғандин кейин, Абай намидики Қазақ педагогика институти, филология факультетиниң уйғур бөлүмидә оқуған. 1985 — 1988-жиллири Чарин вә Таштиқарису оттура мәктәплиридә ишләп, кейин Қазақстан пәнләр академияси Уйғуршунаслиқ институтиға ишқа орунлишиду. Икки жилдин кейин, Абай намидики Қазақ педагогика институтиға ишқа йөткилип, өзи тәһсил көргән Уйғур бөлүмидә илмий-педагогикилиқ паалийитини давамлаштуриду. Бу алий оқуш орнида 2012-жилғичә ишләйду. 2012-жилдин етиварән «Өрлеу» билимни ашуруш миллий мәркизи акционерлиқ җәмийити шөбиси «Алмута вилайити бойичә педагог хадимларниң билимини ашуруш институтида» Тәрбийә вә шәхсни иҗтимаийлаштуруш кафедрисиниң башлиғи болуп ишләп кәлмәктә. Көплигән дәрисликләрниң, монографияләрниң, илмий-аммибап вә публицистикилиқ мақалиларниң муәллипи. Филология пәнлириниң намзити, доцент. Шерипҗан Турғаноғли ИЛИЯРОВ 1965-жили Түркстан вилайитиниң Арыс шәһиридә туғулған. Талғир наһийәсиниң Қизил Ғәйрәт йезисидики 19- вә Туздыбастав йезисидики 31-оттура мәктәптә оқуған. 1993-жили Алмута автомобиль йоллири институтини,1999-жили Қирғиз дөләт Миллий университетини тамамлиған. 1994-жилдин башлап ички ишлар органлирида ишләватиду. Полиция полковниги. Җумһурийәтлик Уйғур этномәдәнийәт мәркизиниң бюро әзаси.