• Йеңилиқлар
  • 10 Ақпан, 2012

Оғлумни алдиғум кәлмәйду

Мәлумки, кейинки вақитларда ана мәктәп, ана тил мәсилилири көп ейтилип, гезитлиримизда йезиливатиду һәм жут-җамаәтчилик арисида тәрғип қилиниватиду. Бу, демәк, көпчилигимизниң миллийликкә қарап йүзлиниватқанлиғимизниң ярқин ипадиси. Ана мәктәп бар йәрдә, ана тилиниң сақлинип қелишиға үмүт барлиғи муқәррәр. Бирақ шу ана мәктивимизгә бизниң гөдәклиримиз дәсләпки қәдимини қандақ тәйярлиқлар билән ташлаватиду?! Биздә уйғурчә балилар бағчилири һәм ана тилимизда балиларға беғишланған дидактикилик оқуш қураллири болмиғанлиқтин, пәрзәнтлиримиз мәйли тәйярлиқ топиға, мәйли 1-синипқа болсун, тәйярлиқсиз келиду. Аччиқ болсиму, етирап қилишимиз керәкки, русларда мәктәп йешиғичә вә беваситә башланғуч синип оқуғучилириға беғишланған оқуш қураллири моҗут. У оқуш қураллири балиларниң зеһнини ечиш үчүн аддий сүрәтләргә йошурунған қизиқ тепишмақларни, оюнларни, чөчәкләрни өз ичигә алиду. Уларда шундақла өз хәлқиниң мәдәнийитигә, тарихиға аит материалларму берилгән. Бәзи қолланмиларниң җәлип қиларлиғи шу қәдәрки, мәхсус тахтичиға йезилған һәрипләрни таяқчә билән бассиңиз, униңға мувапиқ берилгән сүрәтләр һәр хил рәңләр билән яниду. Һәтта бәзи дискиларға сүрәтлик чөчәкләрму киргүзүлгән. У, әлвәттә, балиларда чоң қизиқиш пәйда қилиду. Әйнә шундақ тәйяр дидактилиқ оқуш қураллириға қизиққан айрим ата-анилар, пәрзәнтлирини рус мәктәплиригә беришни әвзәл көрмәктә. Әгәр бизму гөдәклиримиз үчүн мошу хилдики мәхсус китапчиларни нәшир қилсақ, пайдилиқ иш қилған болар едуқ һәм у мәктәп босуғисини атлиған пәрзәнтлиримиз үчүн тепилмас мәнбә болар еди. Йеқинда оғлум рус тилида дискиға йезилған сүрәтлик чөчәкни көрситип, «Дада, немишкә биздә мошундақ уйғурчә дискилар йоқ?» дәп сорап қалди. Мән дәсләп немә дәп җавап беришимни билмәй қалдим. Андин униң райини қайтурмасқа тиришип, «Ундақ дискилар биздиму болиду» дәп җавап бәрдим. У хошал болуп кәтти. Бир күни, оғлум маңа йәнә шу соални қойидиғини ениқ. Амма мән әнди ялған ейтип, уни алдиғум кәлмәйду. Хулләс, әгәр биз, миллий маарипимизни риваҗландуримиз, пәрзәнтлиримизни ана мәктәплиримизгә көпләп җәлип қилимиз десәк, уларни бүгүнки заман тәләп қиливатқан йеңи шәкилдә түзүлгән электронлуқ дәрисликләр, дидактикилиқ материаллар билән тәминләшни кечиктүрмәй қолға алайли, демәкчимән.

Бәхтишат МӘМӘТБАҚИЕВ.

Алмута шәһири.  

625 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы