• Маарип
  • 17 Маусым, 2020

Мәктәпләр ремонт қилиниватиду

Гөһәрбүви ИСМАЙИЛҖАНОВА, «Уйғур авази» Панфилов наһийәсидә 49 оттура мәктәп бар. Әслидә мәктәпләрниң ремонт ишлири оқуш жили тамамлиниши билән июнь ейида башлинип, йеңи оқуш жилиғичә давамлишатти. Бу жили елимиздики таҗсиман вирустин сақлиниш бойичә елан қилинған пәвқуладдә әһвалға мунасивәтлик оқуғучилар арилиқтин билим еливатқачқа, ремонт ишлири реҗиләнгән вақтидин хелила бурун, йәни 20-апрельда башланди. Яркәнт шәһиридики Әмгәкчи оттура мәктиви билән Жерұйық йезисидики оттура мәктәпни мурәккәп ремонт қилиш үчүн жил бешидин буйрутма берилип, лайиһә-сметилиқ һөҗҗәтлири рәсмийләштүрүлүп, тегишлик мәбләғ аҗритилди. Атап ейтсақ, 1176 орунлуқ Әмгәкчи мәктиви үчүн 960 710 061, 624 орунлуқ Жерұйық мәктивигә болса, 609 334 388 тәңгә бөлүнди. Ремонт ишлирини «Нұр-Шапағат-Қурылыс» җавапкәрлиги чәкләнгән ширкитиниң қурулушчилири елип бармақта. Мәктәпләр 15-августқичә толуқ ремонтлинип, оқуғучиларниң йеңи оқуш жилини йеңиланған билим дәргаһида башлайдиғанлиғи күтүлмәктә. Бүгүнки күнгичә һәр икки мәктәптики қурулуш ишлириниң 40 пайизи әмәлгә ашурулди. Шундақла Жерұйық йезисида 25 жилдин бери мурәккәп ремонтқа муһтаҗ Мәдәнийәт өйиниң қурулуш ишлириму жүргүзүлүватиду . Униң үчүн дөләт ғәзнисидин 180 963 000 тәңгә бөлүнди. «Иш билән тәминләш йол хәритиси» дөләт программиси бойичә әмәлгә ашурулуватқан қурулуш ишлириға асасән наһийәдә ишсиз жүргән йәрлик турғунлар җәлип қилинған. Шуниң нәтиҗисидә 152 адәм иш билән тәминләнди. Панфилов наһийәси. СҮРӘТТӘ: Әмгәкчи оттура мәктивидики қурулуш ишлиридин көрүнүш.

456 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы