• 1-декабрь — Тунҗа Президент күни
• 03 Желтоқсан, 2020

Һөрмәтлик вәтәндашлар!

Силәрни умумхәлиқ дөләт мәйрими – Қазақстан Җумһурийитиниң Тунҗа Президенти күни билән тәбрикләймиз!
Мәмликәт тарихида бу мәйрәм алаһидә, тәғдиранә әһмийәткә егә. У Тунҗа Президент – Елбасы Нурсултан Әбишоғли Назарбаевниң мустәқил Қазақстанниң асасини селиштики вә тәрәққий әткүзүштики улуқ дөләт хизмитини һәм тарихий вәзиписини әкис әттүриду.
Тунҗа Президентниң сәясий даналиғи вә қәтъийлиги, стратегиялик жирақни көрүшни билиши вә мустәһкәм ирадиси түпәйли ихтисадий һәм иҗтимаий ислаһатлар утуқлуқ әмәлгә ашурулди, сәясий системини демократияләштүрүш изчил һәм басқучлуқ жүргүзүлүватиду, бирпүтүн Қазақстан хәлқиниң миллий коди мустәһкәмлиниватиду.
Елбасы мультимәдәнийликни бирләштүрүш һесавиға Қазақстанниң көпмилләтликлигини бизниң асасий күчимизгә вә байлиғимизға, утуқ-муваппәқийәт һәм риқабәттә тақабил туруш амилиға айландурди. Униң сәясий даналиғи түпәйли вуҗутқа кәлгән Қазақстан хәлқи Ассамблеяси 25 жилда хәлиқни җипсилаштурушниң нәтиҗидар институтиға, тәрәққий әткән гражданлиқ җәмийәт қурулумиға, хәлиқни умумий қәдрийәтләр асасида бирләштүридиған умумхәлиқлиқ конституциялик органға айланди.
Қазақстанниң Тунҗа Президентини һәқлиқ рәвиштә һазирқи дуниядики әң ярқин һәм абройлуқ лидерларниң бири дәп һесаплайду.
Елбасыниң көпқирлиқ сәясити, интеграциялик вә течлиқпәрвәр тәшәббуслири, ядролуқ қуралсизлиниш күриши түпәйли Қазақстан хәлиқара етирап қилинған чегариларға егә болди, суверенитет вә мустәқиллигини мустәһкәмлиди.
Қазақстан хәлқи үчүн Тунҗа Президент күни – бу, биринчи новәттә, Нурсултан Назарбаевқа течлиқ вә разимәнлик, турақлиқлиқ вә бехәтәрлик, әтики күнгә болған ишәнчә үчүн чоң инсаний миннәтдарлиқ вә умумхәлиқ разилиғи.
Һөрмәтлик жутдашлар!
Елбасы қазақ хәлқиниң һәқиқий пәрзәнди сүпитидә гражданлиқ борч, җавапкәрлик вә вәтәнпәрвәрлик, Вәтәнгә садиқ хизмәт қилиш үлгисини көрсәтти. Тунҗа Президент йоли – бу һәрбир гражданниң йоли, Қазақстанниң келәчәккә болған йоли!
Һәрбир аилигә саламәтлик, бәхит-саадәт вә хатирҗәмлик тиләймиз.
Өйүмиздә һәрқачан молчилиқ, шад-шадиманлиқ, разимәнлик вә өзара чүшәнчә һөкүм сүрсун!

Қазақстан хәлқи Ассамблеяси

!