• Йеңилиқлар
  • 10 Желтоқсан, 2020

Кеңәш сессияси өтти

Қазақстан Президенти Қасым-Жомарт Тоқаев Коллективлиқ бехәтәрлик тоғрилиқ шәртнамә тәшкилати Коллективлиқ бехәтәрлик кеңишиниң сессиясигә қатнашти.
Видеоконференция шәклидә өткән саммитқа Дөләт рәһбиридин ташқири Беларусь, Россия, Таҗикстан Президентлири - Александр Лукашенко, Владимир Путин, Эмомали Рахмон, Әрмәнстан Премьер-министри Никол Пашинян, Қирғизстан Президентиниң вәзиписини орунлиғучи Талант Мамытов, Коллективлиқ бехәтәрлик тоғрилиқ шәртнамә тәшкилатиниң Баш кативи Станислав Зась қатнашти.
Дөләт рәһбәрлири хәлиқара вә регионлуқ бехәтәрлик мәсилилири бойичә пикирләшти, Коллективлиқ бехәтәрлик тоғрилиқ шәртнамә тәшкилати (КБШТ) паалийитиниң асасий йөнилишлирини әмәлгә ашуруш йәкүнини чиқарди.
Сессиядә һазирқи синақ вә ховупларға қарши туруш, террорлуқ көрүнүшләргә, наркотикларниң қунунсиз оборотиға қарши күришиш бойичә әмәлий чариләргә, шундақла кибербехәтәрлик саһасидики бирләшкән чариләргә алаһидә диққәт ағдурулди.
Қасым-Жомарт Тоқаев саммит қатнашқучилири алдида сөзгә чиқип, сессия рәиси — Россия Президенти Владимир Путинға чарә-тәдбирни уюштурғанлиғи үчүн миннәтдарлиқ билдүрүп, Россияниң КБШТқа жуқури кәспийлик дәриҗидә рәислик қилғанлиғини тәкитлиди.
Дөләт рәһбири шундақла Таҗикстан Президенти Эмомали Рахмонни 2021-жилда КБШТқа рәислик қилиши билән тәбриклиди.
Қасым-Жомарт Тоқаев хәлиқара мунасивәтләрдики тоқунушларниң көпийиши билән характерлиниватқан регионлуқ һәм аләмшумул бехәтәрлик саһасидики һазирқи вәзийәт тоғрилиқ гәп қилип, Россия Президенти Владимир Путинниң Тағлиқ Қарабахтики уруш һәрикәтлирини тохтитиштики васитичилиқ ролини жуқури баһалиди.
– Мениңчә Россияниң паал қатнишиши билән қолға кәлтүрүлгән келишим қелиплашқан қийин вәзийәттә бирдин-бир тоғра қарар болуп һесаплиниду вә бу келишим регионда узақтин күткән течлиқни орнитишқа ярдәм қилиду. Бу — һәқиқәтәнму тарихий келишим, – дәп һесаплайду Қазақстан Президенти.
Дөләт рәһбири дуниявий сәясәт вә ихтисатта таҗсиман вирус пандемияси пәйда қилип, давамлишиватқан миқияслиқ турақсизлиқниң өзара санкцияләр, чәклимиләр вә сода урушлири билән мурәккәплишиватқанлиғи тоғрилиқ пикир ейтти. Экстремизм вә терроризмға, наркобизнесқа, кибербехәтәрликкә, қанунсиз миграциягә бағлиқ пәйда болуватқан йеңи аләмшумул синақ вә ховупларниң өсүши тәшвиш пәйда қилмақта. Президентниң тәкитлишичә, мундақ шараитта кәң регионда течлиқни күчәйтиш, бехәтәрлик вә турақлиқлиқни тәминләш үчүн хәлиқара өзара һәрикәт қилишниң әмәлий механизми сүпитидә КБШТ ролиниң җиддий өсүватқанлиғини тәкитлиди.
Қасым-Жомарт Тоқаев шундақла КБШТ бойичә кәсипдашлирини мәмликәттә өткүзүлидиған Парламент сайлимидин, шундақла әмәлгә ашурулуватқан мисли көрүлмигән демократик ислаһатлардин хәвәрдар қилди. Докладта тәкитләнгинидәк, елимиздә һәм КБШТқа әза мәмликәтләрдин, һәм МДҺ вә КБШТ парламент ассамблеялиридин байқуғучиларниң келидиғанлиғиға үмүт қилиниватиду.
Қазақстан Президенти Тәшкилатни техиму тәрәққий әткүзүш, җүмлидин йеңи институт – КБШТ Баш кативиниң течлиқ орнитиш мәсилилири бойичә мәхсус вәкили – институтини тәсис қилиш бойичә бирқатар тәклипләрни оттуриға қойди.
Дөләт рәһбири докладиниң ахирида КБШТ паалийитигә қатнишишниң Қазақстан ташқи сәяситиниң муһим йөнилишлириниң бири болуп һесаплинидиғанлиғини тәкитлиди.
– Шу нәрсә хошал боларлиқки, КБШТ хәлиқара сәясәтниң сезиләрлик амилиға айланди, Евразия қитъәсиниң бесим қисмида бехәтәрликни тәминләштә иҗабий роль ойнаватиду. Биз илгәркидәкла течлиқ һәм бехәтәрликни тәминләштә вә хәлиқлиримизниң гүлләп-яшниши үчүн нәтиҗидарлиқ қарарларни издәп тепишта шериклиримиз билән актив өзара һәрикәттә болимиз, – дәп хуласилиди Қасым-Жомарт Тоқаев.
Саммит йәкүни бойичә Коллективлиқ бехәтәрлик кеңишиниң декларацияси һәм Адаләтлик вә турақлиқ течлиқ орнитишни шәкилләндүрүш тоғрилиқ билдүрүш охшаш 15 һөҗҗәт қобул қилинди.
Қобул қилинған һөҗҗәтләр КБШТ паалийитиниң муһим йөнилишлирини техиму күчәйтишкә қаритилиду, улар Тәшкилатниң очуқлуғини вә униң башқа әлләр һәм хәлиқара қурулумлар билән һәмкарлиқни кәңәйтиш нийитидә екәнлигини намайиш қилиду.
Буниңдин кейин Тәшкилатқа рәислик қилиш Россиядин Таҗикстанға өтти. КБШТ Коллективлиқ бехәтәрлик кеңишиниң новәттики сессияси 2021-жили мошу мәмликәт территориясидә өтиду.

 

643 рет

көрсетілді

1

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы