• Йеңилиқлар
  • 10 Желтоқсан, 2020

Әң яхшилар мукапатланди

Йеқинда Алмута вилайити һакиминиң қоллап-қувәтлиши билән Талдиқорған шәһиридики тәнтәниләр залида йеза мәдәнийәт өйлири, мирасгаһлар вә китапханилар арисида өткүзүлгән «Ауылым – алтын бесігім» вилайәтлик конкурс ғалиплирини мукапатлаш мәрасими болуп өтти.

Бийилқи конкурс Елбасыниң «Рухани жаңғыру» программилиқ мақалисиниң даирисидә аһалиниң роһий вә эстетикилиқ тәләплирини тәминләш, қанаәтләндүрүш, шәһәрлик, наһийәлик мәдәнийәт өйлириниң, йеза клублириниң мәдәний-дәм елиш паалийитини тәрғип қилиш һәм риваҗландуруш мәхситидә уюштурулди. Иҗадий мусабиқә қатнашқучилирини вилайәт һакиминиң орунбасари Рустам Али тәбриклиди.
– Елбасыниң «Рухани жаңғыру» мақалисини вә Президент Қасым-Жомарт Тоқаевниң «Конструктивлиқ җәмийәтлик диалог – Қазақстан турақлиқлиғиниң вә гүллинишиниң асаси» Мәктүбини әмәлгә ашуруш мәхситидә вилайәт рәһбәрлиги тәрипидин мәдәнийәт саһасини риваҗландурушқа чоң диққәт бөлүнүватиду. Амандық Баталовниң қоллап-қувәтлиши билән «Ауылым – алтын бесігім» конкурсиниң 2017-жилдин етиварән өткүзүлүп келиватқанлиғини алаһидә тәкитлигүм келиду. Әнди бийил болса, Елбасыниң «Рухани жаңғыру» программиси даирисидә регионда мәдәнийәт саһасида 26 лайиһә тәстиқлинип, уларниң тоққузи әмәлгә ашурулди. Бүгүнки күнгә қәдәр үч миңға йеқин чарә-тәдбир уюштурулуп, уларни әмәлгә ашурушқа 889,4 миллион тәңгә бөлүнди. Умумән, Йәттису тәвәсидә мәдәнийәтни тәрәққий әткүзүшкә 13 миллиард тәңгидин ошуқ мәбләғ аҗритилди. «Ауыл — ел бесігі» программиси даирисидә төрт Мәдәнийәт өйини мурәккәп җөндәштин өткүзүшкә 1,1 миллиард тәңгә, маддий-техникилиқ базини йеңилашқа 328 миллион тәңгидин ошуқ мәбләғ бөлүнди, – деди Рустам Али.
Бу - Алмута вилайитидә мәдәнийәт саһасида әмәлгә ашурулуватқан ишларниң пәқәт бир қисмила. Мәзкүр конкурс мәдәнийәт мәһкимилириниң миқияслиқ ишини очуқ көрсәтти. 2020-жилда конкурсқа 20 Мәдәнийәт өйи вә клуб, 20 йеза китапханиси, 10 музей қатнишип, әң яхшиларға баһалиқ соғилар тапшурулди. Мәсилән, конкурс тәләплиригә мувапиқ, 15 йеза Мәдәнийәт өйи вә икки клуб аваз аппаратуриси билән мукапатланди. Үч йеза Мәдәнийәт өйигә, бәш китапханиға вә 10 музейға компьютерлар соға қилинди.
Номинантларниң иши маддий-техникилиқ җәһәттин тәминлиниши, мәһкиминиң аватлаштурулуши, һөҗҗәтләрниң тоғра жүргүзүлүши, илгири әмәлгә ашурулған ишлар, өмәкләрниң хилму-хиллиғи, йәрлик аһали билән ишләш вә жүргүзүлүватқан ишлар охшаш өлчәмләр бойичә баһаланди.
Бу йәрдә шуни қошумчә қилиш лазимки, йеза мәдәнийитини тикләш, маддий-техникилиқ базисини күчәйтиш мәхситидә йеза Мәдәнийәт өйлири вә клублар арисида 2017-жилдин тартип «Ауылым – алтын бесігім» конкурси өткүзүлүп кәлмәктә. Төрт жилда конкурсқа 116 йеза Мәдәнийәт өйи вә клублар, 20 йеза китапханиси, 10 мирасгаһ қатнишип, уларға 57 компьютер, 67 аваз аппаратуриси, 7 миллион 200 миң тәңгилик ахчилиқ мукапат сертификати тапшурулди.

654 рет

көрсетілді

1

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы