• Йеңилиқлар
  • 10 Желтоқсан, 2020

Пидаийлар жили рәсмий йепилди

Дөләт рәһбири онлайн-тәртиптә Пидаийлар жилини рәсмий йепиш мәрасимиға қатнашти.
Қасым-Жомарт Тоқаев өз сөзидә Пидаийлар жилиниң утуқлуқ болғанлиғини тәкитлиди. Президентниң сөзичә, он миңлиған қазақстанлиқниң шәпқәтликлиги, дилкәшлиги түпәйли бу жилниң пәқәт бизниң елимиз үчүнла әмәс, бәлки пүткүл дуния үчүн тарихтики әң мурәккәп, әң қийин дәвирләрниң биригә тоғра кәлгәнлигигә қаримай, “изгү ишлар” умуммиллий идеяси реаллиққа айланди.
Дөләт рәһбири тәкитлигәндәк, қазақстанлиқлар милләт роһиниң мустәһкәмлигини тәстиқлиди, бирлик вә җипсилиқни, пикирдашлиқни, бир-бириниң тәғдиригә бепәрва болмай, бәлки ғәмхорлуғини намайиш қилди.
– Пидаийлар жили алаһидә жил болди, у яшлиримизниң һәқиқий алийҗанап сүпитини көрсәтти. Бу һисдашлиқ, җавапкәрлик вә ғәмхорлуқ жили болди. Биз муһтаҗ болғанларға ярдәм қилдуқ вә түрлүк қийинчилиқларға қарши бирлишип күрәштуқ. Бизниң җәмийитимиз әхлақий қәдрийәтләргә садиқлиғини тәстиқлиди. Дунияни чаңгилиға алған пандемия шәпқәтлик вә изгүлүкниң нәқәдәр муһим екәнлигини көрсәтти. Хәтәрлик вирус пәқәт хәлиқниң саламәтлигинила әмәс, бәлки бизниң бирлигимизниму синаққа алди. Биз униңға шәрәп билән бәрдашлиқ берип, бирлигимизни вә разимәнлигимизни сақлап қалдуқ, – деди Қасым-Жомарт Тоқаев.
Бир жил мабайнида пидаийлиқ паалийәткә йүз миңдин ошуқ адәм қатнашти. Пидаийлиқниң йеңи йөнилиши нәтиҗидарлиқ тәрәққий әтти. Дөләт рәһбири бепәрва әмәс турғунлири нурғун болған дөләтни парлақ келәчәк күтүп турғанлиғиға, пидаийлиқ паалийәтниң болса, барлиқ гражданлар үчүн үлгә-мисал болуп, милләтниң йеңи қияпитиниң шәкиллинишигә һәссә қошидиғанлиғиға ишәнчә билдүрди.
– Birgemiz умуммиллий тәшәббуси қисқа қәрәлдә пандемияниң мурәккәп вақтида муһтаҗ болуватқанларға зөрүр ярдәм қилған нурғунлиған бепәрва әмәс вәтәндашларни бирләштүрди. Тәшәббус даирисидә әмәлгә ашурулған Qamqor, Saulyq, Sabaqtastyq лайиһилири йүз миңлиған гражданлиримизға ярдәм қилди. Дәрияларни, орманларни тазилаш, дәрәқ тикиш бойичә Taza Alem пидаийлар һәрикитиниң паалийити кәң инкасқа егә болди. Һазир экологиялик паалийәтчанлиқ, бу қандақту-бир модиға айланған тенденцияләргә әмәл қилиш әмәс, бәлки муһим зөрүрийәт, һаятий принцип болуп, у бизгә тәбиәтни сақлап қелиш имканийитини бериду, – дәп тәкитлиди Дөләт рәһбири.
Президент дөләт органлири, архив тәшкилатлири, илмий институтлар пидаийлар учини хелә үнүмлүк пайдилиниши керәк, дәп һесаплайду. Арыс вә Мақтаарал тәҗрибисини һесапқа алсақ, мурәккәп техногенлиқ һалакәтләрдин кейинки қутулдуруш ишлириға ихтиярийларни комплекслиқ тәйярлашниң муһим екәнлиги өзлигидин келип чиқиду. Әтрап муһитни вә һайванатни қоғдаш мәсилилири алаһидә диққәтни тәләп қилиду. Хәйрихаһлиқ паалийәтни системилиқ қоллап-қувәтләш мәсилиси айрим әвзәллик пети қеливатиду. Шуңлашқа Президентниң тапшурмиси бойичә мошу саһада моҗут болуватқан камчилиқларни йоқитиш имканийитини беридиған йеңи хәйрихаһлиқ тоғрилиқ қанун тәйярлиниватиду.
– Иҗтимаий нишан қилинған паалийәтни рәғбәтләндүрүшниң чүшинәрлик вә нәтиҗидарлиқ һоқуқ механизмлири керәк. Буниң үчүн Һөкүмәт вәзипиләр түркүмини ишләп чиқиши зөрүр. Хәйрихаһлиқ тәшкилатларниң шәкиллиниш вә тәрәққий етишиниң дәсләпки жиллирида имтиязлиқ несийә бериш, шундақла уларға дөләт мүлки объектлирини имтиязлиқ пайдилиниш имканийитини яртиш шу җүмлидин. Бизнес вә шәхсләрниң, җүмлидин дөләт қоллап-қувәтләш чарилирини көргәндә әвзәллик һоқуқ бериш арқилиқ хәйрихаһлиқ һәм пидаийлиқ лайиһиләргә қатнишишини қисмән рәғбәтләндүрүшниң нәтиҗидарлиқ механизмлирини җарий қилиш муһим. Һәм дөләт тәрипидин, һәм бизнес тәрәптин хәйрихаһлиқ вә пидаийлар тәшкилатлирини малийә һәм маддий қоллап-қувәтләшни хелә кәңәйтиш керәк. Һөкүмәтниң тегишлик тәклипни тәйярлишини илтимас қилимән, – дәп тапшурди Дөләт рәһбири.
Президент пидаийлар тәшкилатини қоллап-қувәтләш вә уларға мәхсус грант аҗритиш ишини давамлаштурушниң зөрүр екәнлигини тәкитлиди. Изгү ишларни давамлаштуруш үчүн Пидаийлиқни тәрәққий әткүзүшниң йол хәритисини, шундақла пидаийларни тәйярлаш программисини ишләп чиқиш муһим. Һөкүмәткә пидаийлиқ паалийәтни қоллап-қувәтләшниң бирпүтүн изгүсини ишләп чиқиш тапшурулди.
– Пидаийлиқ – бу иҗтимаий һадисә, адәт яки бир күндә шәкиллинидиған маһарәт әмәс. Бу - нурғунлиған адәмләр аңлиқ рәвиштә таллавалған һаят тәризи. Хәйрихаһлиқ – бу адәмдә балилиқ чеғидин тартип шәкиллинидиған сүпәт. Шуңлашқа өсүватқан әвлатта изгү ишларға тәйяр болушни шәкилләндүрүш наһайити муһим. Барлиқ билим бериш мәһкимиләрниң оқуш программилириға тематикилиқ мәшғулатларни вә факультатив саатларни киргүзүшни тәклип қилимән. Җәмийәткә хизмәт қилишни үгәнгән балилиримиз һәқиқий гражданлардин болуп йетилиду. “Атәшин роһ, рошән әқил, меһриван жүрәк” – дана Абай язған бу алийҗанап сүпәтләр һазир һавадәк зөрүр. Уларниң пидаий болушини халиғанларниң һәрбиригә хас екәнлигигә ишинимән, – дәп тәкитлиди Қасым-Жомарт Тоқаев.
Докладта пидаийлиқ вә хәйрихаһлиқ паалийәт даирисидә иҗтимаий шериклик иқтидарини күчәйтишкә, шундақла корпоратив пидаийлиқни тәрәққий әткүзүшкә алаһидә диққәт бөлүнди. Қазақстан БМТниң Ихтиярийлар программисиниң паал қатнашқучилириниң бири болуп, дунияниң түрлүк мәмликәтлиридә муһтаҗ болуватқанларға ярдәм қиливатиду.

Қасым-Жомарт Тоқаев БМТ Баш Ассамблеясиниң 75 сессиясидә сөзгә чиқип, Хәлиқара пидаийларни сәпәрвәрликкә кәлтүрүш жилини елан қилиш тәкливини бәрди. Бу тәшәббус Қазақстанниң бизниң мәмликәттила әмәс, бәлки пүткүл дунияда пидаийлиқ әнъәнилирини, мәдәнийитини тәрәққий әткүзүшкә алаһидә қарайдиғанлиғини испатлайду.
– Бирнәччә күндин кейин биз Мустәқиллигимизниң 30 жиллиғи жилиға қәдәм ташлаймиз. Бу — мәмликәт тәрәққиятидики муһим сәһипә, тарихий пәллә. Бу утуқлиримизни тәһлил қилип, өз келәчигимизни бәлгүләйдиған вақит. Биз кәлгүси жилниң юбилейлиқ чарә-тәдбирлириниң мәзмун-маһийитигә алаһидә әһмийәт бериватимиз. Һәрбир чарә-тәдбир чоңқур мәзмунға егә болуп, җәмийәткә пайда кәлтүрүши, өсүватқан әвлатқа үлгә болуши керәк. Әйнә шуниңға бағлиқ умуммиллий дәриҗидә “Изгү ишлар марафонини” уюштурушни тәклип қилимән. Бу муһим тәшәббус һәммимизни җипсилаштуриду. Мундақ мурәккәп вақитта изгү ишлар мәмликитимизни мустәһкәмләп, җәмийәтни бирләштүриду, – дәп ишәнчә билдүрди Дөләт рәһбири.
Қазақстан Президенти мошу пандемия вақтида чәттә қалмай, адәмләргә ярдәм қилишни давамлаштуруватқанларниң, шундақла пидаийларниң бирқатар тәклиплири билән тәшәббуслирини қоллап-қувәтлигәнләрниң һәммисигә миннәтдарлиқ билдүрди.
Чарә-тәдбир давамида шундақла “Миллий пидаийлар тармиғи” юридик шәхсләр бирләшмисиниң рәиси Вера Ким, Арыс шәһиридин кәлгән пидаий Олжас Мамыр, БМТ пидаийлар программисиниң иҗраий уйғунлаштурғучиси вәзиписини орунлиғучи Тойли Қурбанов, Темиртав шәһәрлик Ветеранлар кеңишиниң рәиси Берликбай Ордабаев, “Җәмийәтлик назарәт” топиниң җумһурийәтлик уйғунлаштурғучиси Саида Тәукелева, Россия Пидаийлар тәшәббуслириниң ассоциацияси мәркизиниң рәиси Артем Метелев, “Жас Ұлан” бирпүтүн өсмүрләр тәшкилатиниң рәиси Динара Садвақасова вә башқилар сөзгә чиқти.

435 рет

көрсетілді

1

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Buy anapolon i metanabol http://jefftech.org/community/profile/steroid5UCirI/?h=6470692684c200d28cc2d8e75f628323&

12 Желтоқсан, 2020

Buy anapolon i metanabol http://jefftech.org/community/profile/steroid5UCirI/?h=6470692684c200d28cc2d8e75f628323&

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы