• Җәмийәтлик тәшкилатларда
  • 28 Қаңтар, 2021

Жигитбашлири сайланди

Йеқинда Уйғур наһийәлик Уйғур этномәдәнийәт мәркизиниң башқарма әзалири баш қошуп, наһийәниң вә Чонҗа йезисиниң баш жигитбешини сайлаш мәсилисини муһакимә қилди. Жиғинни Уйғур наһийәлик Уйғур мәдәнийәт мәркизиниң рәиси Рәхмәтжан Суджәков елип барди.
Баш қошушта көпчиликниң тәкливи билән наһийәниң баш жигитбеши вәзиписигә Злавдун Бавдинов, Адилжан Һосманов вә Н.Арипов қатарлиқ җәмийәтлик ишларниң активистлириниң намзити көрситилди. Сөзгә чиққан жигитбашлири Марат Һетбақиев, Злавдун Бавдинов, Әзиз Сабитов вә устаз Муһидин Розахунов Нурмәһәмәт Ариповниң наһийәниң чоң жигитбешиға жүкләнгән җавапкәрчиликниң һөддисидин чиқалайдиғанлиғиға ишинидиғанлиғини билдүрди. Өзигә үмүт артқан көпчиликкә рәхмәт ейтқан Нурмәһәмәт Ваһидиноғли хәлиқниң ишәнчисини ақлап, әл-жут үчүн әмгәк қилишқа тәйяр екәнлигини изһар қилди. 
Андин йәнә бир мәртә көпчиликниң пикри таразиға селинип, Чонҗа йезисиға Дилшат Гайитов баш жигитбеши болуп сайланди. Ядиңларға салимизки, мошу күнгичә бу вәзипини Нурмәһәмәт Арипов атқуруп кәлгән. Тәшкилий мәсилиләрдин кейин бийилқи жилниң иш-реҗилири тоғрилиқ көпчиликниң тәклип-пикирлири тиңшалди. Миллий урпи-адәтлиримизни, мәдәнийитимизни риваҗландуруп, келәчәк яшлиримизниң тәртип-тәрбийисигә көңүл бөлүш охшаш муһим мәсилилири бойичә пайдилиқ пикир-тәклипләр ейтилди. 

Нурмәһәмәт АРИПОВ


1958-жили туғулған. 1975-жили оттура мәктәпни тамамлап, 1993-жилғичә наһийәлик истималчилар җәмийитидә, 1993-жилдин 2003-жилғичә Алмута вилайәтлик исситиш тармақлири мәһкимисидә  ишлиди. Һазир Уйғур  наһийәлик аһалиға хизмәт көрситиш мәһкимисиниң хадими. Җәмийәтлик ишларниң активисти сүпитидә жутниң чоң-кичик мәсилилирини һәл қилип, хәлиқниң һөрмитигә еришти. 
Мустәқил Қазақстандики хәлиқләр достлуғи вә милләтләрара размәнликни мустәһкәмләшкә қошқан мунасип үлүши үчүн җумһурийәтлик Уйғур этномәдәнийәт мәркизиниң, «Сахавәт» медали, шундақла мәзкүр мәркәзниң һәм Уйғур наһийәлик һакимийитиниң Пәхрий ярлиқ вә Миннәтдарлиқлири, шундақла «Һәрбий разведка ветеранлириниң кеңиши» җәмийәтлик бирләшмисиниң «Қазақстан патриоты» бәлгүси билән тәғдирләнгән. 

Дилшат ГАЙИТОВ


1953-жили дунияға кәлгән. Талғир шәһиридики механизация техникумини пүтирип, Чонҗидики автобазида вә йолувчиларни тошуш автопаркида механик, гараж башлиғи болуп ишлиди.  Көпжиллиқ мевилик әмгиги мунасип баһалинип, бирқатар маддий һәм мәнивий мукапатларға еришкән. Чонҗа йезисиниң М.Чигиров, Р.Тохметов кочилириға жигитбеши болуп сайлинип, жут хизмитидә болуп келиватиду. 
Мустәқил Қазақстандики хәлиқләр достлуғи вә милләтләрара размәнликни мустәһкәмләшкә қошқан мунасип үлүши үчүн җумһурийәтлик Уйғур этномәдәнийәт мәркизиниң Пәхрий ярлиқ вә Миннәтдарлиқлири билән тәғдирләнгән.

 

9913 рет

көрсетілді

18

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы