• Йеңилиқлар
  • 04 Ақпан, 2021

Әризә қобул қилиниватиду

Қазақстанлиқларниң турушлуқ өй шараитини яхшилиши үчүн пенсия фондида топланған ахчисини елишқа әризә беридиған сайт ечилди. У 23-январьдин тартип ишләватиду.
“Отбасы банкиниң” башлиғи Ләззәт Ибрагимованиң сөзичә, қазақстанлиқлар enpf-otbasy kz сайтиға турушлуқ өй шараитини яхшилаш мәхситидә  пенсия фондида топланған ахчисини елиш үчүн әризә берәләйду. Йәнә бир қетим тәкитләймизки, сайт мошу жилниң 23-январь күни әтигәнлиги саат 9дин башлап ишини башлиди. Банк рәһбириниң сөзичә, порталда қазақстанлиқ қолланғучиларға әвзәллик берилиду. Бехәтәрлик мәхситидә, сайтқа чәт әлләрдә туруп, кирмәкчи болғанларға чәк қоюлған.
Мәзкүр мәсилигә беғишланған онлайн-брифингта хәвәр қилинишичә, турушлуқ өй шараитини яхшилаш үчүн пенсия фондидики ахчини елиш қаидиси 30-январь күни күчкә киргән. 1-февральдин тартип, бирпүтүн пенсия ахчисини топлаш фондлири “Отбасы банкидин” 25-январьда келип чүшкән әризиләр бойичә төләмләрни әмәлгә ашурушқа башлиди. Мошу күн ичидә 8.450 адәмниң әризиси (яки әризә барғучиларниң 82 пайизи) тәкшүрүштин муваппәқийәтлик өтүп, уларға 49,2 миллиард тәңгә берилди. Тәкитлишичә, төләм бәш иш күни ичидә әмәлгә ашурулиду.
Гражданларниң турушлуқ өй шараитини яхшилаш яки даваланғини үчүн һәқ төләш үчүн пенсия фондида топланған ахчисини пайдилиниш шәрәплиригә бағлиқ барлиқ соаллири “бир әризә” принцип бойичә вакаләтлик оператор тәрипидин қарилиду, дейилиду хәвәрдә.
Тәкитләш керәкки, қазақстанлиқлар әризә қобул қилиш башланған дәсләпки күнила 11 миңдин ошуқ әризә бәргән. 

607 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы