• Йеңилиқлар
• 10 Ақпан, 2021

Иккитәрәплимә музакириләр

Қазақстан Җумһурийитиниң Премьер-министри Асқар Мамин Евразия Һөкүмәтләрара кеңәшниң мәҗлисигә вә Digital Almaty форумиға қатнишиш үчүн Алмутиға кәлгән Россия Федерацияси Һөкүмитиниң Рәиси Михаил Мишустин билән иккитәрәплимә учришиш өткүзди.
Тәрәпләр сода-ихтисадий, малийә-инвестициялик, энергетика, транспорт-логистика, геология, һәрбий-техникилиқ, санаәт кооперацияси, аграр-санаәт комплекси, чегариларара дәрияларниң су ресурслирини пайдилиниш вә қоғдаш саһалирида иккитәрәплимә һәмкарлиқни техиму күчәйтиш мәсилилирини муһакимә қилди.
Униңдин ташқири Евразия ихтисадий иттипақи даирисидики өзара һәрикәтниң муһим мәсилилири қаралди.
Учришишта COVID-19 инфекциясиниң тарқилишиға қарши күришиш вә җүмлидин 2021 – 2025-жилларға бәлгүләнгән Комплекслиқ ихтисадий һәмкарлиқ программисини тәйярлаш вә әмәлгә ашуруш арқилиқ икки мәмликәт ихтисатлири үчүн пандемия ақивәтлирини йениклитиш бойичә бирләшкән чариләргә алаһидә диққәт бөлүнди.
Россия – Қазақстанниң асасий сода шериклириниң бири. 2020-жилда иккитәрәплимә сода муамилиси 18 миллиард тәңгидин ешип кәтти.