- Йеңилиқлар
- 10 Ақпан, 2021
Җәриман икки һәссә өсти
Ахирқи икки жил ичидә җумһурийәтниң коррупциягә қарши иш-һәрикәт агентлиғи тәрипидин пара беришниң — 480, пара беришкә дәллаллиқ қилишниң — 37 вә тиҗарәтниң паалийитигә қанунсиз арлишишниң 713 факти ениқланған. Әгәр мошу ениқланған фактлар асасида төләнгән җәриманлар һесапланса, мошу вақит ичидә бюджетқа 600 миллион тәңгә көләмидә җәриман төлиниши керәк.
Президент Қ.Тоқаев өзиниң өткән жили 1-сентябрьда Қазақстан хәлқигә йоллиған Мәктүбидә пара бәргүчиләр һәм уларға дәллаллиқ қилған шәхсләргә нисбәтән җавапкәрликни күчәйтиш вәзиписини жүклигән еди. Тәкитләш лазимки, лавазимлиқ шәхсләрни «сетивелишқа» яки уларниң қанунсиз мукапат елишиға дәллал болған шәхсләр җинаий җавапкәрликкә җәлип қилиниду.
Бу күнгә қәдәр Дөләт рәһбириниң тапшурмиси орунланди. Җинаий кодексқа һаҗәт болған өзгәртишләр киргүзүлди. Мәсилән, илгири Җинаий кодексниң «Нурғун көләмдә пара бериш» дегән 2-баби бойичә гунакар дәп тепилған шәхс 5 жилға әркинлигидин айрилатти. Әнди киргүзүлгән өзгәртишләргә мувапиқ бу җинайәт үчүн 7 жилға әркинлигидин айрилиду.
Шундақла әнди уларни шәртлик-муддитидин илгири түрмидин бошитиш мәнъий қилиниду. Әнди әркинлигидин айриш муддити узартилғандин ташқири пара бәргәнлиги вә бу ишта дәллаллиқ қилғанлар үчүн селинидиған җәриманлар көләми икки һәссә өсти.
627 рет
көрсетілді0
пікір