• Йеңилиқлар
  • 17 Ақпан, 2021

Бир айда 8 миңдин ошуқ автомобиль сетилди

2021-жилниң январь ейида қазақстанлиқлар 80,5 миллиард тәңгилик 8.1 миң йеңи йеник машина сетивалди, дәп хәвәр қилиду Қазақстанниң “КазАвтоПром” автомобиль саһаси карханилириниң иттипақи.
“Өткән айда рәсмий дилерлар 8136 йеник автомобиль сатти, бу, өткән жилниң мошу вақти билән селиштурғанда, 56,7 пайизға жуқури. Қазақстанлиқлар йеңи йеник машиниларни сетивелишқа 80,5 миллиард тәңгә (191,5 миллион доллар) сәрип қилди, бу 2020-жилниң көрсәткүчидин 68,4 пайизға жуқури. 2020-жилниң декабрь ейи билән селиштурғанда январьда машина сетиш 16,1 пайизға төвәнлиди”, дейилиду хәвәрдә.
Тәкитләш керәкки, сетивалғучиларниң 5228 (69,3 пайизи) Қазақстан автозаводлири ишләп чиқарған, әнди 2908и (35,7 пайизи) чәт әлләрдә чиқирилған машиниларни таллиған.
 «Бир ай ичидә әң нурғун сетилған йеник автомобильлар тизимида Hyundai (2392 данә) биринчи орунда, Chevrolet (2233 данә) иккинчи, Тойота (1046 данә) үчинчи, Lada (575 данә) төртинчи вә KIA (332 данә) бәшинчи орунни егилигән, дәп тәкитләйду», “КазАвтоПром”.
Яхши сетилған машиниларниң қатариға Nissan (249 данә), JAC (246 данә), Renault (200 данә), Volkswagen (155 данә) вә GAZ (145 данә) машинилири киргән.
“Үстимиздики жилниң январь ейида машина сетивелиш көрсәткүчи һәқиқәтәнму хелила өскән. Бирақ бу җошқунлуқ базардики тәләпниң һәқиқий көрсәткүчини әкис әттүрмәйду. Хәлиқ арисида машиниға болған җиддий тапчиллиқ илгәрки петичә үстүн”, - дәйду “КазАвтоПромниң” стратегиялик планлаш бойичә мудири Артур Мискорян.
Униң сөзичә, “Азия Авто” конвейериниң тохтилиши херидарларни төвән баһа сегментидики тәливидин айриди.
“Үстимиздики жилда ихтисадий өсүмниң болмайдиғанлиғи йәнә тәшвиш пәйда қилмақта. Мундақ шараитта базар вә херидарларни йеңи синақлар күтидиғанлиғи сөзсиз”, —  дәп һесаплайду “КазАвтоПром” вәкили.
Январь ейиниң нәтиҗиси бойичә автомобильларниң көпини алмутилиқлар (2483 данә), андин Нур-Султан шәһириниң турғунлири (1512 данә), чимкәнтликләр (1015 данә), қариғандилиқлар (531 данә) вә қостанайлиқлар (333данә) сетивалған. 

311 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы