• Йеңилиқлар
  • 25 Ақпан, 2021

Давалиниш үчүнму төләшкә болиду

Саламәтликни сақлаш министрлиги бирвақитлиқ пенсия төләмлирини қазақстанлиқларниң давалиниши үчүнму пайдилиниш бойичә буйруқни ройхәткә алди.
Министрликниң мәлуматлириға қариғанда, буйруқ бийил 15-февральда қәрәлидин илгири тәстиқлинип, 17-февральда Әдлийә министрлигидә ройхәткә елинди.
Умумән, бирвақитлиқ пенсия төләмлирини давалиниш үчүн ишлитиш қазақстанлиқларға һазирқи вақитта һәқсиз медицинилиқ ярдәмниң капаләнләндүрүлгән көләмидә яки мәҗбурий иҗтимаий медицинилиқ ғәмсизләндүрүш системисида көздә тутулмиған қошумчә медицинилиқ хизмәтләрдин пайдилиниш имканийитини бериду.
Бирвақитлиқ пенсия төләмлири һесавиға төлинидиған медицинилиқ хизмәтләр тизимиға орфанлиқ, йәни аз учрайдиған ағриқларни давалаш, җүмлидин дора-дәрмәкләр билән тәминләш, шундақла давалашниң тегишлик тактикисини ениқлаш үчүн диагностика қилиш киргүзүлди. Униңдин ташқири бу тизимда Қазақстан Җумһурийитиниң медицина тәшкилатлирида көрситилидиған стоматолигиялик хизмәтләр (ясалма чиш қоюш, имплантация), операциядин кейинки тартуқларни түзитиш мәхситидә, шундақла жүргүзүлгән мастэктомиядин кейин реконструктивлик вә әслигә кәлтүрүш (пластикилиқ) операциялири, радионуклидлиқ вә радиойодтерапия, радиохирургиялик давалаш (гамма-нож, кибернож) протонлуқ терапия вә бир түркүм офтальмологиялик хизмәтләр бар.
Саламәтликни сақлаш министрлигиниң чүшәндүрүшичә, медицинилиқ хизмәтләр тизими аһалиниң тәләп-еһтияҗи һесапқа елинип, қайта қарилиши мүмкин. 
Бирвақитлиқ пенсия төләмлирини пайдилиниш үчүн әризә бәргүчи өзи Бирпүтүн пенсия топлаш фондидин елишқа болидиған ахча мөлчәри тоғрилиқ әхбарат тәләп қилиши керәк. Андин кейин тизимда көрситилгән ағриқлар бойичә тегишлик қарар елиш үчүн кимлигини тәстиқләйдиған һөҗҗәтниң көчәрмисини вә саһалиқ мутәхәссисниң хуласисини қошуп, тиркәлгән җайи бойичә шипаханиниң давалаш-консультатив комиссиясигә мураҗиәт қилиш лазим. 
Давалаш-консультатив комиссияси әризә бәргүчи мураҗиәт қилған күндин тартип бәш иш күни ичидә қарар чиқириши шәрт. Униңдин кейин әризә бәргүчи өз хаһиши бойичә медицинилиқ тәшкилатни, җүмлидин чәтәллик медицина тәшкилатлирини (стоматологиялик хизмәтләрдин башқа) таллавелип, униң билән шәртнамә түзиду. Бир вақитлиқ пенсия төләмлирини вакаләтлик оператор («Отбасы банк») зөрүр һөҗҗәтләр елинған күндин тартип бәш иш күни ичидә әвәтиду.
Ахирида шуни қошумчә қилимизки, «Отбасы банк» акционерлиқ җәмийитиниң башқарма рәиси Ләззат Ибрагимованиң билдүрүшичә, давалиниш үчүн топланған пенсия пулини қайтурувелиш бойичә буйрутма қобул қилиш портали бүгүн, 25-февральдин башлап ишқа қошулиду. 


 ММға вставка (орниға)
«Уйғур авазиниң» ениқлимиси 
 ENPF-Otbasy.kz онлайн-платформиси ишини башлиған биринчи күндин, йәни 25-январьдин тартип 28 миңдин ошуқ қазақстанлиқ ипотека рәсмийләштүрди, банктики қәризлирини төләп болди вә пәтир алди.
Программиға қатнашқучиларниң 46 пайизға йеқини «Отбасы банк» программилирини пайдилиниш қарариға кәлди.
Бир айда төрт миңға йеқин қазақстанлиқ топланған пенсия пули һесавиға турушлуқ өй алди.
Он бир миңдин ошуқ қазақстанлиқ бир вақитлиқ пенсия төләмлирини иккинчи дәриҗилик банклардики ипотека бойичә қәризини төләшкә әвәтти.
Пенсия төләмлирини қайтурувалғанларниң 0,7 пайизи топланған пенсия пулини башқа мәхсәтләргә сәрип қилиш қарариға кәлди.
25-январьдин тартип қобул қилинған әризиләрниң 47 563 қанун тәләплиригә мувапиқ кәлмигәнликтин рәт қилинди.
Пенсия төләмлирини қайтурувалғанларниң 20 пайизи Алмутида, 17 пайизи Маңғыстав вилайитидә, 16 пайизи Нур-Султан шәһиридә яшайду.

554 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы