• Йеңилиқлар
• 25 Ақпан, 2021

Телерадио комплексиниң иши билән тонушти

Қазақстан Җумһурийити Президентиниң Телерадио комплексиға бийил 25 жил толиду. 
Дөләт рәһбири Қасым-Жомарт Тоқаев ТРКниң йеңи әхбарат-студия комплексини зиярәт қилип, коллективни юбилей билән тәбриклиди. Бу тоғрилиқ Президентниң мәтбуат кативи Берик Уәли Facebookта язди. 
– Президент Телерадио комплекси ишиниң асасий нәтиҗилири билән тонушти. Чарәк әсир мабайнида униң хадимлири 800 һөҗҗәтлик фильм чүшәргән. 2019-жил 20-марттин башлап Дөләт рәһбириниң паалийити тоғрилиқ 600 саатлиқ видеофильм, 56 һөҗҗәтлик фильм, 450 видеоролик тәйярланди.
Нурғунлиған материаллар Telegram вә YouTube иҗтимаий тармақлириға селинди.
Президентниң Телерадио комплекси Қазақстан Мустәқиллигиниң 30 жиллиғиға даир “Абайниң әқлийә сөзлири ” вә “Күчлүк регионлар – күчлүк Қазақстан” намлиқ һөҗҗәтлик фильмлар түркүмини чүширишни планлаватиду.
Қасым-Жомарт Тоқаевқа Ақорда қараргаһиға орнитилған UHD (4К) әхбарат студияси комплекси тонуштурулди. Мәзкүр комплекс жуқури сүпәтлик видеофильмларни чүширишкә мүмкинчилик бериду.
Дөләт рәһбири Телерадио комплексиниң коллективиға мәмликәт һаятидики муһим вақиәләрни оператив вә сүпәтлик көрсәткәнлиги үчүн миннәтдарлиқ билдүрүп, ТРК хадимлириға йеңи иҗадий утуқ тилиди, – дәп язди Берик Уәли.