• Йеңилиқлар
  • 03 Наурыз, 2021

Ақин тәвәллудини мәйрәмләш башланди

Пайтәхттә улуқ қазақ ақыниниң 175 жиллиқ тәвәллудини мәйрәмләш рәсмий башланди. Униңға дөләт кативи Қырымбек Көшербаев қатнашти.
Дөләт кативи, тәвәллудни мәйрәмләш бойичә дөләт комиссиясиниң рәиси Қырымбек Көшербаев Жамбул ядикарлиғиға гүлләрни қойди вә дөләт органлириниң вәкиллири, мәдәнийәт һәм пән әрбаплири, Алмута вә Жамбул вилайәтлириниң делегациялири билән Қ.Қуанышбаев намидики Қазақ дөләт академиялик музыкилиқ драма театриниң йеңи бенасида өткән юбилейлиқ жилни тәнтәнилик ечиш мәрасимиға қатнашти.
Тәнтәнилик мәрасимда мәдәнийәт вә спорт министри Ақтоты Райымқулова доклад билин сөзгә чиқти. Министр мустәқилликниң шәкиллинишиниң мурәккәп жиллирида Қазақстанниң Тунҗа Президенти –Елбасы Нурсултан Назарбаевниң улуқ дала шаирлири Абай вә Жамбулниң 150 жиллиқ тәвәллудлирини мунасип мәйрәмләш тоғрилиқ қарар қобул қилип, уларға алаһидә мәртивә бәргәнлигини тәкитлиди.
Бийил Мустәқилликниң 30 жиллиғи даирисидә Жамбул Жабаевниң 175 жиллиқ тәвәллуди атап өтүлиду. Дөләт рәһбири Қасым-Жомарт Тоқаевниң Пәрмани билән улуқ шаирниң тәвәллудини жуқури дәриҗидә мәйрәмләшни тәминләшкә қаритилған мәхсус Дөләт комиссияси қурулди. 
Ақтоты Райымқулова шундақла һәрбир әвлатқа чоң җавапкәрлик –роһий байлиқларни кәлгүси әвлат үчүн сақлаш вә көп әсирлик инсаний идеямизни пүткүл дунияға йәткүзүш җавапкәрлигиниң жүкләнгәнлигини тәкитлиди. Шуңлашқа «Рухани жаңғыру» умуммилий программисини техиму әмәлгә ашуруш Улуқ даланиң роһий мирасини аммибаплаштуруш вә Мустәқилликниң муқәддәс қәдрийәтлирини мустәһкәмләш ишиға қаритилиду.
Жамбулниң 175 жиллиқ тәвәллудиға беғишланған тәнтәнилик мәрасим мәйрәмлик концерт билән давамлашти. Униңда Қ.Қуанышбаев намидики Қазақ дөләт академиялик музыкилиқ драма театриниң артистлири «Жыр алыбы – Жамбыл» театрлаштурулған көрүнүшни һавалә қилди. Әдәбий-музыкилиқ композициядә Жамбулниң қатнишиши билән өткән атақлиқ ақинлар айтыслиридин үзүндиләр, униң атақлиқ шеирлири яңриди.
Концертқа шундақла Қурманғазы намидики Қазақ миллий хәлиқ әсваплири оркестри, Н.Тилендиев намидики «Отырар сазы» академиялик фольклор-этнографиялик оркестри, «Жастар» театри, «Астана Балет» театри, «Қорқыт» этнографиялик ансамблиниң солистлири, К.Әзербаев намидики Жамбул вилайәтлик филармониясиниң «Қулансаз» фольклор-этнографиялик оркестри, Қирғизстанниң «Ақақ» қомузчилар ансамбли, Қазақстан хәлқи Ассамблеяси этномәдәнийәт бирләшмилириниң артистлири, Nomad балилар хореографиялик ансамбли, «Вайнах» чечен-ингуш хәлиқ ансамбли қатнашти.
Шу күни пүткүл мәмликәт бойичә вә чәт әлләрдики Жамбул Жабаев ядикарлиқлириға гүлләр қоюлди, мәйрәмлик чарә-тәдбирләр өткүзүлди.

22451 рет

көрсетілді

245

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы