• Асасий мақалилар
  • 13 Мамыр, 2021

Түркий дуния пайтәхтидә болди

Қазақстан  Җумһурийитиниң Тунҗа Президенти Нурсултан Назарбаев Түркстан шәһиридә болди. Елбасы сәпәр даирисидә Қазақ ханлиғиға беғишланған мемориалниң ечилиш мәрасимиға қатнашти, шундақла “Тунҗа Президент паркини” аватлаштуруш плани билән тонушти.

Мемориални ечиш мәрасими даирисидә Нурсултан Назарбаев “Ұлы Дала бірлігі” капсулисини салди. Капсулиға Қазақстанниң хасийәтлик җайлириниң тописи жиғилған.
Елбасы шуниң билән биллә “Яссы” ботаникилиқ беғини арилиди. Тунҗа Президентқа ботаникилиқ бағни тәрәққий әткүзүш плани тонуштурулди. Нурсултан Назарбаев шундақла “Күлтөбе қалашығы” археологиялик паркини бәрбат қилиш планини әмәлгә ашуруш тоғрилиқ доклад қилинди. 
Нурсултан Назарбаев “Әзирет Султан” тарихий-мәдәний қоруғиниң территориясигә җайлашқан интерактивлиқ этноавулға барди. Елбасы этноавулдики һүнәрвәнләр кочисини арилиди. Һүнәрвәнләр кочисида яғашчиларниң, тоқумичиларниң, кигиз басқучиларниң, кулалчиларниң, зәргарларниң таш йониғучиларниң ишханилири бар. Нурсултан Назарбаев этноавулдики көчмәнләр ашханисиниму көздин кәчүрди.
Елбасы шундақла Музыкилиқ драма театрини ечиш мәрасимиға қатнашти. Театрда Қазақстанниң Тунҗа Президенти түркий хәлиқләрниң тарихи билән  һаятиға беғишланған “Шаңырақ” миниатюрисини тамашә қилди. Нурсултан Назарбаев ахирида театр артистлири билән сөһбәтләшти, Пәхрий меһманлар китавиға тиләклирини йезип қалдурди. Шундақла аммивий әхбарат вәкиллири үчүн брифинг өткүзүп, шәһәр вә регионниң асасий тәрәққият нәтиҗилири тоғрилиқ ейтип өтти.
– Түркстан илгири һазирқидәк тәрәққиятни баштин кәчүрмигән. Тониғусиз дәриҗидә өзгәрди. Бу йәр қазақстанлиқлар үчүнла әмәс, барлиқ туристлар үчүнму надир җайға айлиниду, – деди Елбасы.
Қазақстанниң Тунҗа Президенти инвестициялик вә туристик лайиһиләрни, шундақла шәһәрниң вә регионниң турушлуқ өй һәм иҗтимаий инфрақурулумини тәрәққий әткүзүшкә молҗаланған лайиһиләрни әмәлгә ашурушни давамлаштурушниң муһимлиғини алаһидә тәкитлиди.
– Шәһәрдә йеңи иш орунлири ечиливатиду, яшларға чоң мүмкинчиликләр яритиливатиду. Туризм университети селинди, бүгүн болса әҗайип театр ечилди. Бу хәлиқ үчүн һәқиқәтәнму хошаллиқ вақиә, – деди Нурсултан Назарбаев.
Елбасы шундақла вилайәтлик Farab Library аммибап китапханисини зиярәт қилди. Қазақстанниң Тунҗа Президенти китапханидики робототехника лабораториясиниң иши билән тонушуп, аз учрайдиған китаплар вә манускриптлар бөлмисини көздин кәчүрди. Шундақла “Алтын Самұрық” учидиған театрида болуп, судики театрлаштурулған шоуни тамашә қилди. Шундақла Нурсултан Назарбаевниң келиши шәрипигә “Қыз қуу” театрлаштурулған көрүнүши қоюлди. 
Умумән, 2018-жили 19-июньда Түркстан вилайәт мәркизи мәртивигә егә болғандин тартип, регионға пүткүл мәмликәтниң диққити қаритилған. Тунҗа Президентниң шу күни имзалиған Пәрмани билән қедимий шәһәрниң сәясий, ихтисадий, тарихий, мәдәний вә роһий тиклиниши башланди.

9822 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы