• Әхбаратлар еқими
  • 10 Маусым, 2021

Чарвичилар, тикинчиләр, мал баққучилар ошуқ

Апрель ейида Қазақстанниң әмгәк базирида чарвичиларниң, тикинчиләрниң вә мал баққучиларниң ошуқлуғи байқалмақта.
Бу кәсипләр мутәхәссислириниң сани бош орунлар санидин һәссиләп ешип кетиду. «Әмгәк ресурслирини тәрәққий әткүзүш мәркизи» акционерлиқ җәмийитиниң мәлуматлириға қариғанда, электронлуқ әмгәк базирида активлиқ кәскин өсти. Апрельда бош орунлар сани 26,5 миңға өсүп, 80 миңға йәтти. Әнди резюмилар сани 18,1 миңға өсүп, 69,3 миңни тәшкил қилди. Бош орунларниң нурғун қисмини башқа хизмәтләр вә йеза егилиги карханилири көрсәтти.
 Мәвсүмлүк ишларниң башлиниши вә карханилар паалийитиниң кәңийиши апрельда электронлуқ биржида иш бойичә тәклипләрниң умумий саниниң өсүш сәвәплириниң бири болди.
 – Апрельда йеңи бош орунларниң өсүши «фермерлар вә йеза егилиги хадимлири» категориясидә тиркәлди. Бир айда бу категория үчүн бош орунлар сани 2,4 һәссә өсүп, 1,6 миң бирликкә йәтти. Бу әтиязлиқ терилғу ишлири вақтида қанунийдур. Шу нәрсә қизиқарлиқки, мошу категориягә ятидиған үмүткарлар арисида резюмилар саниму 2,1 һәссә көпәйди, – дәп тәкитлиди «Әмгәк ресурслирини тәрәққий әткүзүш мәркизи» Стратегия вә лайиһилик башқуруш департаменти тәһлил башқармисиниң рәһбири Улпан Шегенова.
Күзәтчи, автомобиль һайдиғучи, умумий тәҗрибә врачи, бухгалтер вә магазин сетиқчиси кәсиплири бойичә бош орунлар саниниң сезиләрлик өскәнлиги байқалди. Квалификациялик әмгәкни тәләп қилмайдиған кәсипләр арисида, җүмлидин фермерлар егилигидә, бош орунлар ярдәмчи ишчилар үчүн көп тиркәлди.
– Илгәрки айдикигә охшаш квалификациялик иш орунлири арисида күзәтчиләрниң (2 365 орунға 720 резюме), автомобиль һайдиғучилириниң (2 386 бош орунға 1 394 резюме), официантларниң (737 бош орунға 19 резюме), шундақла күтүш бойичә оттура медицина персоналиниң (1 459 бош орунға 791 резюме) җиддий йетишмәслиги байқалмақта. Квалификация тәләп қилинмайдиған ишлар арисида жүк басқучилар, ашхана ярдәмчилири вә фермерлар егилигидә ярдәмчи ишчилар тапчил, – дейилиду мәркәз хәвиридә.
Квалификациялик ишчилар арисида апрель ейида чарвичилар (202 бош орунға 2 753 резюме), мал баққучилар (36 бош орунға 629 резюме), шундақла тикинчиләр (519 бош орунға 945 резюме) ошуқ болди. 
 

147 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы