• COVID - 19
  • 10 Маусым, 2021

Дуниявий саламәтликни сақлаш тәшкилатиниң рәһбири агаһландурди

Дуниявий саламәтликни сақлаш тәшкилатиниң баш мудири Тедрос Аданам Гебрейесус вакцина салмиғанлар үчүн Covid-19 вирусиниң йеңи штаммлириниң наһайити ховуплуқ екәнлигини тәкитлиди. У шундақла таҗсиман вирусқа мунасивәтлик қобул қилинған чәклимиләрни күчидин қалдуруватқан дөләтләрни бу ишни пәйдин-пәй, еһтиятчанлиқ билән әмәлгә ашурушқа һәм вирусниң тарқилиш җәрияниға қарап рәтләшкә чақирди. 

«Covid-19 вирусиниң йеңи түрлириниң, шуниң ичидә Дельта варианти (һинд штамми), тарқишиниң көпийиши вә карантин чарилирини чапсан тохтитиш вакцина салмиғанлар үчүн ховуплуқ болуши мүмкин», деди у журналистлар үчүн өткүзүлгән брифингта.
 Дуния бойичә вакцининиң бир хил бөлүнмәслиги таҗсиман вирусниң йеңи штаммлириниң пәйда болушиға елип келиши еһтимал. Улар вакциниларниң нәтиҗидарлиғини аҗизлаштуриду.
 Шуниң билән биллә Дуниявий саламәтликни сақлаш тәшкилатиниң рәһбири дунияда ахирқи алтә һәптидә таҗсиман вирусни жуқтуруш азийиватқанлиғини тәкитлиди. Һазир вакцина селиш қолйетимлиқ болған дөләтләрдә яшанғанлар арисида вапат болуш фактлири азаймақта. Амма Африкида, Шималий вә Җәнубий Америкида, Тиниқ муһитиниң ғәрбидики әлләрдә таҗсиман вирустин вапат болуватқанлар сани көпәймәктә.

320 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы