• Әхбаратлар еқими
  • 10 Маусым, 2021

Нефть региониниң утуқлири

Премьер-министр Асқар Мамин Атырав вилайитидә иш бабидики сәпәрдә болди.
Һөкүмәт рәһбири сәпәр давамида нефть-газ-химия вә нефть-газ машина ясаш саһалирида чоң инвестициялик лайиһиләрни әмәлгә ашурушниң кетип беришини тәкшүрди. Җүмлидин у газни қайта ишләш заводиниң – Қашаған канида газни комплекслиқ тәйярлаш қурулмисиниң қурулушини башлап бәрди.
Кархана қувити жилиға бир миллиард кубометрғичә газни тәшкил қилиду, униңдин 815 миллион кубометр товарлиқ вә 119 миң тонна суюқлитилған газ, 212 тонна гуңгут вә 35 тонна газ конденсати чиқирилиду. Объектни 2023-жилниң төртинчи кварталида пайдилинишқа бериш планланмақта.
Селинидиған кархана мәмликәтниң газни қайта ишләш саһасини техиму тәрәққий әткүзиду, Қашағанда нефть қезиш дәриҗисини бир тәвлүктә 450 миң баррельға көпәйтиду, мәмликәтни газландуруш үчүн ресурс асасини кәңәйтиду, нефть-газ ишләпчиқиришиниң экологиялик җәһәттин тазилиғини ашуриду. Объект қурулуши вақтида 2 500 йеқин вақитлиқ, пайдилиниш вақтида 600 турақлиқ иш орни вуҗутқа кәлтүрүлиду. 
Премьер-министр, шундақла жилиға 500 миң тонна полипропилен ишләп чиқиридиған Қазақстандики биринчи Интеграцияләнгән газ-химия комплекси қурулушиниң кетип беришини тәкшүрди. Лайиһини “Казахстан Петрокемикал Индастриз (KPI)” ҖЧЙ әмәлгә ашуруватиду. 
Инвестицияләрниң умумий көләми 2 ,6 миллиард долларни тәшкил қилиду. Объектни пайдилинишқа бериш 2022-жилниң март ейиға планланди. Карханида 630 ошуқ турақлиқ иш орни вуҗутқа кәлтүрүлиду. Һазирқи вақитқа қәдәр лайиһә графиги бойичә умумий илгириләш 87,19 пайизни тәшкил қилиду. Қурулушта 39 болавелиш компанияси ишләватиду, униң 36 қазақстанлиқ компанияләрдур. 
Һөкүмәт рәһбири шундақла “Эр Ликид Карабатан Тех Газы” бирләшкән Қазақстан-Франция карханисини зиярәт қилип, иш орниниң паалийити билән тонушти. 
Асқар Мамин 2020-жили августта пайдилинишқа берилгән “Атырау-нефтемаш” ҖЧЙда болди.
Премьер-министр “Каспийнефть” ҖЧЙни зиярәт қилиш давамида Атырав вилайитиниң Жылыой наһийәсидики Айранкөл канида 2019 – 2021-жилларда жүргүзүлгән рәқәмләштүрүш нәтиҗилири билән тонушти – бу йәрдә нефть қезип чиқириш 10 пайиз көпәйди, хираҗәт 30 пайиз төвәнлиди, пандемия вақтида жирақтин назарәт қилиш вә канни башқуруш җарий қилинди.
Һөкүмәт рәһбири иш бабидики сәпири давамида шундақла осетр белиғини бақидиған “Kaspi Bekiresi Limited” белиқ егилигиниң паалийити билән тонушти. Қисқа қәрәлдә карханиниң ишләпчиқириш көләмини жилиға 30 миң тонна белиқ вә 3 тонна икраға йәткүзүш планлиниватиду.
Премьер-министр шундақла Атыравниң инфрақурулумини тәрәққий әткүзүш тоғрилиқ доклад қилинди.
Һөкүмәт рәһбириниң Атырав вилайитигә қилған иш бабидики сәпиригә вилайәт һакими Махамбет Досмухамбетов, Қазақстан Җумһурийити Президентиниң ярдәмчиси Қанат Бозымбаев, энергетика, индустрия вә инфрақурулумлуқ тәрәққият, экология, геология вә тәбиәт ресурслири министрлири – Нурлан Ноғаев, Бейбит Атамқулов, Мағзум Мырзағалиев, “Самруқ-Қазына” акционерлиқ җәмийитиниң башқарма рәиси Алмасадам Сәтқалиев, “КазТрансГаз” акционерлиқ җәмийитиниң башқарма рәиси Қайрат Шәрипбаев, “НУХ Байтерек” акционерлиқ җәмийитиниң башқарма рәиси Айдар Арифханов, “Қазақстан Тәрәққият Банки” акционерлиқ җәмийитиниң башқарма рәиси Абай Сарқулов қатнашти. 
 

158 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы