• COVID - 19
  • 21 Шілде, 2021

Балиларға вакцина селинамду?

Саламәтликни сақлаш министри Алексей Цой Қазақстанда 12 – 18 яш арилиғидики өсмүрләргә Pfizer/BioNTech вакцинисини селиш плани тоғрилиқ ейтип бәрди. 
 Униң сөзичә министрлик балиларға әмләткә селиш имканийитини қараштуруватиду.
– Министрликкә балиларни қоғдаш үчүн вакцина тепиш илтимаси билән мураҗиәт қиливатқанларниң қанчилик нурғун екәнлигини биләмсиләр? Чоңлар үчүн шундақ имканийәт бериватимиз, әнди биздә балиларға ярдәм қилиш имканийити, әпсус, йоқ. Башқичә ейтқанда, бу — ата-аниларниң һоқуқи. Һазир 12 яштин тартип Pfizer вакцинисини пайдилиниш тәвсийә қилинди. Демәк, вакцина селиш керәкму яки керәк әмәсму – уни гражданлар өзлири һәл қилиду, бирақ биз шуниңға чақиримиз, чүнки вакцининиң әһмийити зор. Бәхиткә қарши, йеңи штаммлар балиларға тәсир қиливатиду, – дәп тәкитлиди министр.
 Идарә рәһбири шундақла «Спутник V» вә QazVac вакцинилирини балиларға селишқа имканийәт беридиған синақларниң көздә тутулғанлиғи яки тутулмайватқанлиғи тоғрилиқ мәсилини айдиңлаштурди.
 «Спутник V» вакцинисиға кәлсәк, бизгә мәлум болушичә, һазир мундақ клиникилиқ тәтқиқатлар бизниң кәсипдашлиримиз вә вакцина чиқарғучилар тәрипидин жүргүзүлүватиду. QazVac бойичә тәкитләймәнки, Қазақстан қанунида балиларда клиникилиқ тәтқиқатларни жүргүзүш мәнъий қилинған. Биз QazVac бойичә мундақ тәтқиқатларни жүргүзмәйватимиз, – деди Алексей Цой.
 Илгири Қазақстанда балиларни Pfizer препарати билән вакцинилаш мәсилисиниң қариливатқанлиғи тоғрилиқ хәвәр қилинған еди. Саламәтликни сақлаш министрлигидә 2021-жилниң төртинчи кварталида Қазақстанға Pfizer препаратини йәткүзүш тоғрилиқ алдин-ала келишимниң қолға кәлтүрүлгәнлиги тоғрилиқ хәвәр қилди.


 

445 рет

көрсетілді

1

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы