• COVID - 19
• 21 Шілде, 2021

Pfіzer вакциниси кәлтүрүлиду

Қазақстан Pfіzer ширкити билән вакцинини елимизгә кәлтүрүш бойичә алдин-ала келишимгә кәлди. Бу һәққидә Саламәтликни сақлаш министрлигиниң мәтбуат хизмити хәвәрлиди.
 Министрликниң әхбаритиға асаслансақ, Pfіzer ширкити билән 2021-жилниң төртинчи кварталида вакциниларни йәткүзүш бойичә шәртнамә түзүлди.
 “2021-жил март ейидин башлап, министрлик Pfіzer ширкити вәкиллири билән “COVІD-19” таҗсиман вирусқа қарши вакцинини йәткүзүш бойичә музакириләр башлиған еди. Министрлик билән Pfіzer ширкитиниң арисидики өзара иш-һәрикәт даирисидин мәхпийлик тоғрилиқ шәртнамигә қол қоюлди”, дәп тәкитләнгән әхбаратта. 
 Тәкитләш лазимки, Pfіzer ширкитиниң вакцинисини йәткүзүш тоғрилиқ шәртнамә түзүш үчүн Қазақстан Президентиниң Пәрмани қобул қилиниши керәк.