• Хәйрихаһлиқ
  • 05 Тамыз, 2021

Қериндашларни чәттә қоймиди

Мәшүр САСИҚОВ,
«Уйғур авази»

Тәһриратниң новәттики тапшурмиси билән барған бу баш қошушта биз миллитимиз вәкиллириниң қанчилик өмлүгини, бешиға күн чүшкән һәрқандақ қериндишини һечқачан йәрдә қоймайдиғанлиғиға йәнә бир қетим толуқ көз йәткүздуқ. Бу мәрасимниң өтүшигә бийилқи Қурван һейти күни Алмута шәһиридики «Йеңи һаят» мәһәллисиниң турғуни Тохтасун Розиевниң өйидә йүз бәргән паҗиә сәвәп болди. Шу күни сәһәрлиги ойлимиған йәрдин пәйда болған от уларниң өйини санақлиқ вақит ичидә һечнемигә ярамсиз қилип үлгәрди. 
Бир мөмүн жутдишиниң хатирҗәм һаятини бузған бу паҗиәдин кейин жут тәврәп кәтти. Бир тәрәптин жут егилири, йәнә бир яқтин ханим-қизлар пат-пат баш қошуп яки телефонда алақә бағлап, уларға қандақ ярдәм қилишни музакирә қилишатти. Мәһәллиниң баш жигитбеши Рәхимҗан ака Мәңсүров жутдашлириға қилған мураҗитидин ташқири, Алмута шәһәрлик жигитбашлири иттипақидики акиларниму бу иштин хәвәрдар қилиду. Мундақ ишларда дайим карванбеши болуватқан улар, дәрһал Тохтасун Розиевниң өйигә йетип кәлди. Әһвалдин толуқ хәвәр тапқан иттипақ әзалири өй егилирини сәвирликкә чақирип, чоқум ярдәм қилидиғанлиғини ейтиду. 
Иттипақта дәрһал бешиға күн чүшкән аилигә ярдәм қилиш бойичә комиссия қурулиду. Униң һесап-чотиға җавапкәр сүпитидә Алатав наһийәсиниң баш жигитбеши Махмутҗан Мәңсүров рәис болуп сайлиниду. Шу-шу болдидә, иттипақта өйигә от кәткән йеңиһаятлиқ Тохтасун Розиевниң аилисигә ярдәм қилиш бойичә тәшвиқ ишлири кәң даиридә башлинип кәтти. Арилиқта көп вақит өтмисиму, иттипақ әзалириниң көп күч чиқириши арқисида хелила пул жиғилиду. Биз бүгүн мана әйнә шу ярдәм пулни тапшуруш үчүн жиғилғанлар билән биллә.
Баш қошушта дәсләп Махмутҗан Мәңсүров қайси мәһәллидин, қанчилик пул чүшкәнлиги тоғрилиқ һесават бәрди. Андин шу ярдәм пулни (җәми 1 615 000 тәңгә) Алмута шәһәрлик жигитбашлири иттипақиниң рәиси Абдумеҗит Иминов өй егисигә тапшурди. От апитидин зәрдап чәккән Тохтасун Розиев һаяҗан илкидә қериндашлириниң мундақ меһир-шәпқитигә қандақ миннәтдарлиқ билдүрүшини билмәй қалди. Шу түпәйли уларға «Акилар иттипақлиғиңларни бәрсун. Силәргә чәксиз миннәтдармән» дәләлиди, халас. 
Жутниң баш жигитбеши Рәхимҗан ака Мәңсүровму жут намидин иттипақ әзалириға бирлик вә өмлүк тилиди. Андин бир топ шәхсләр, җүмлидин маарип әлачиси, балилар язғучиси Қасим Исмайилов, «Йеңи һаят» мәһәллиси ханим-қизлар кеңишиниң рәиси Халима Амраева, Алатав наһийәсиниң баш жигитбеши Махмутҗан Мәңсүров, Түрксиб наһийәсиниң баш жигитбеши Назим Ниязов вә башқилар миллитимизгә хас әң есил хисләтләрниң бири иттипақлиғимиз әҗдатлиримиздин келиватқан әнъәнә екәнлигини алаһидә тәкитлиди. 
 

2102 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы