• COVID - 19
• 05 Тамыз, 2021

Қошумчә 8 миллион доза кәлтүрүлиду

Җумһурийәт саламәтликни сақлаш министрлиги таҗсиман вирусқа қарши төрт миллион адәмгә йәнә 8 миллион доза вакцина кәлтүрүшкә келишимни имзалиди. Идарә рәһбири Алексей Цой һөкүмәтниң новәттики мәҗлисидә шу һәқтә хәвәр қилди.
Униң сөзичә, аһалиға әмләткә селиш давамлишиватиду.
Бүгүнки күнгә қәдәр, 9,4 миллион доза вакцина пайдилинилди, униң дәсләпки компоненти билән 5 480 094 адәм әмләткиләнди. Бу әмләткә селиниши тегишлик болған аһалиниң 55,4 пайизини тәшкил қилиду. Иккинчи компонент билән 3 941 941 адәм әмләткиләнди. Бу әмләткә селиниш тегишлик болған аһалиниң 39,8 пайизини тәшкил қилиду, – деди у.
Мошуниң өзидә министр, идариниң қошумчә вакциниларни йәткүзүш үчүн келишимләрни имзалиғанлиғини хәвәр қилди.
Министрлик 4 миллион адәмгә қошумчә 8 миллион доза вакцина йәткүзүшкә келишимләрни имзалиди. Уларни җумһурийәткә кәлтүрүш график бойичә кетип бариду. Мошуниңға бағлиқ җумһурийәттә аһалиниң вакциниға еһтияҗи толуқ тәминләнгән”, – дәп тәкитлиди Алексей Цой.