• COVID - 19
  • 05 Тамыз, 2021

“Спутник Лайт” вакцинисини ишләп чиқармақчи

Қариғанда фармацевтика комплекси (ҚФК) әгәр Россия Федерациясиниң уттур инвестиция фонди билән келишәлисә, Қазақстанда Россияниң таҗсиман вирусқа қарши “Спутник Лайт” вакцинисини ишләпчиқиришқа тәйяр.
Һазирқи күндә биз Россия уттур инвестиция фондиға тегишлик илтимасларни әвәттуқ, һазирчә җавап күтүватимиз. Өз новитидә, биз ширкитимизниң ишләпчиқириш қувәтлиридә “Спутник Лайт” препаратини ишләпчиқиришқа тәйяр, дәп билдүрди ширкәт вәкили.
Буниңдин бираз илгири Дөлитимиз рәһбири Қасим-Жомарт Тоқаев йәрлик фармацевтика ширкәтлиригә Россияниң “Спутник Лайт” вакцинисини ишләпчиқириш мәсилисини қарап чиқишни тапшурған.
Һазирқи күндә Қариғанда фармацевтика комплексида 5 миллион доза “Спутник V” вакциниси ишләп чиқирилди, кархана препаратни регионларға йәткүзүш бойичә мәҗбурийитини толуқ орунлиди. Йеқинда Қариғанда фармацевтика комплекси кархана Қазақстандики дора-дәрмәкләр васитилириниң умумий дистрибьютери “СК – Фармация” билән гражданларни әмләткиләш үчүн икки миллион доза йәткүзүш үчүн йеңи келишимни имзалиғанлиғини хәвәр қилди. Мәзкүр келишим үстимиздики жилниң август – сентябрь айлирида орунлиниши тегиш, – дәйду кархана мәтбуат-хизмити.
Шуни тәкитләш керәкки, Қазақстанда 1-февральдин тартип аһалини Россия Федерациясидә чиқирилған “Спутник V” вакциниси билән әмләткиләш башланди. Февраль ейиниң ахирида Қариғанда фармацевтика комплексида ишләп чиқирилған Россия вакцинисини регионларға йәткүзүш башланди. 26-апрельдин тартип җумһурийитимиздә йәрлик Qaz Vac препарати билән әмләткиләш компанияси жүргүзүлмәктә. Апрель ейиниң ахирида “Самруқ-Қазына” миллий паравәнлик фонди Хитайниң Sіnohavm ширкитидин бир миллион доза Hayat-Vaх вакцинисини сетивалди. Июнь ейиниң бешида җумһурийәткә йәнә шу Хитайниң Sіnovac Bіotech ширкитиниң 500 миң доза Corona Vac вакцинисиниң дсләпки түркүми кәлтүрүлди. 15-июль күни Россия Федерациясиниң уттур инвестицияләр фонди Қазақстанниң саламәтликни сақлаш министрлиги “Спутник Лайт” препаратини тиркигәнлигини хәвәр қилди.
 Қазақстанда 5 429 636 адәм вакцининиң дәсләпки компоненти билән әмләткиләнди. Уларниң 3 837 063и толуғи билән әмләткиләш курсидин өтти.

128 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы