• "Birgemiz"
  • 19 Тамыз, 2021

Пәнҗимдин — Ғәрипкә!

Соваплиқ иштин һечқачан қачмайдиған пәнҗимликләр бу қетимму йәнә тәшәббускарлиқ көрсәтти. Округтики баш жигитбеши Ясинҗан Тохтахуновниң тәшәббускарлиғида барлиқ жигитбашлири «Батысқа көмек!» акциясини уюштуруведи, һәммә ярдәмгә кәлди. 

Гөһәрбүви ИСМАЙИЛҖАНОВА, 
«Уйғур авази»

 Тәкитләш керәкки, Маңғишлақ вә Қизилорда вилайитидики бу жили йүз бериватқан қурғақчилиқниң ақивитидин маллар ач қеливатқанлиғидин хәвәр тапқан жут әһли новәттики баш қошушта бу һәқтә мәслиһәтләшти. Чүнки йезида яшиғачқа, мал үчүн йәм-чөпниң қәдир-қиммитини яхши билидиған жутдашлар вәзийәтни чүшинип, дәрру халисанә ярәм көрситиш лазимлиғини билдүрүшти. Шундақ қилип, Ғәрипкә ярдәмни дәсләпкиләрдин болуп жут оғланлири, дайим яхшилиқниң бешида жүридиған мәрт-мәрданә Йолдаш Беширов билән Билимҗан Норузов башлап бәрди. Йолдаш Беширов — 300, Билимҗан Норузов болса 200 бағ чөп елип кәлди. Уларни қоллап-қувәтлигән жутдашларму бәзилири — 50, бирлири һарвулириға 20 — 30 бағдин чөп бесип келип, ярдәм қилди. Шундақ қилип, Пәнҗим йезисиниң уйғур җамаәтчилигидин шу күнила 800 бағ чөп жиғилип, мәхсус машиниларға бесилди. 
 «Батысқа көмек!» акциясидә сөз тизгинини алған йеза округи һакимийити йенидики Ақсақаллар кеңишиниң рәиси Авутҗан Һәмраев Маңғишлақтики әһвални йәнә бир қетим әслитип өтти. Җай-җайларда бу хилдики ярдәм көрситиливатқанлиғиниму тилға алди. Андин һамийлиқ қиливатқан жигитләргә миннәтдарлиғини билдүрди. Бу күни жут мөтивәри, пешқәдәм устаз Мәрүп Арзиев, Панфилов наһийәлик Уйғур этномәдәнийәт мәркизи рәиси хизмитини атқуруватқан Азат Гайитов, Пәнҗим йеза округи һакиминиң орунбасари Ғәбит Қарабаев вә башқилар сөз елип жутдашлар һиммитигә апирин ейтишти. Йеза һакими орунбасаридин жиғилған чөпниң «Алтынкөл» төмүрйол станциясидин мәхсус вагонларға бесилип әвәтилидиғанлиғидин һәммә хәвәрдар болди. 
 Акциядин кейин жигитбеши Я.Тохтахунов паалийәтчанлар билән округта әмәлгә ашурулидиған ишлар һәққидә мәслиһәтләшти. Мундақ яхши башланмиларда жигитбашлири билән тәңла җанкөйдүрүп, рәсим-қаидә, урпи-адәтлиримизни риваҗландуруш үчүн тегишлик һәссисини қошуп, жутдашларни сәпәрвәрликкә кәлтүрүватқан бир топ ханим-қизларниң әмгигини мунасип баһалап, тәшәккүрнамиләрни тапшурди.     

 Панфилов наһийәси. 
Турсунмәһәммәт МӘШҮРОВ чүшәргән сүрәтләр. 

302 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы