• Йеңилиқлар
  • 10 Ақпан, 2012

Иш билән җавап беримиз

Һәр жилқи әнъәнә бойичә Президент Нурсултан Назарбаев Қазақстан хәлқигә новәттики Мәктүбини йоллиди. Мән бу Мәктүпни телевизор арқилиқ тиңшап, чоңқур қанаәт һасил қилдим. Шуни алаһидә тәкитлигүм келидуки, бу қетимқи Мәктүп өзиниң актуаллиғи, интайин мурәккәп, лекин һаятий мәсилиләрни алға сүргәнлиги билән мениңда алаһидә тәсират қалдурди. Әгәр алдинқи мәктүпләрдә сөз асасән елимиз ихтисадини йүксәлдүрүш, аһалиниң паравәнлигини ашуруш, шундақла милләтләр ара достлуқни мустәһкәмләш һәққидә болған болса, бу қетим аләмшумул программилар қобул қилинип, уларниң маһийити ечип көрситилди. Мәктүптә елимиз тәрәққиятиниң муһим басқучлири ениқ бәлгүләнгән. Болупму Дөләт рәһбириниң өз Мәктүбидә йеза егилигини тәрәққий әткүзүш билән биллә йәм-чөп базисини мустәһкәмләш хусусида ейтқанлирини алаһидә диққәт билән тиңшидим. Бу саһани көтириш илгириму ейтилған еди. Лекин бу қетимқи Мәктүптә кәң даирилик, комплекслиқ һөҗҗәтләр қобул қилинған. Болупму йетиштүрүлгән мәһсулатни қобул қилиш орунлириға уттур, дәллалсиз өткүзүш, йеза егилиги саһасини риваҗландуруш мәхситидә униңға бөлүнидиған хираҗәт миқдарини көпәйтиш қатарлиқ чарә-тәдбирләр һәқиқий йосунда ихтисадимизни тәрәққий әткүзүш үчүн интайин чоң бурулуш болидиғанлиғи сөзсиз. Президентимизниң Қазақстан хәлқигә йоллиған Мәктүбини тиңшап олтирип, мән мошундақ жирақни көзләйдиған рәһбәр башқуруватқан әлдә яшап әмгәк қиливатқинимға пәхирләндим. Мәктүптә қобул қилинған һөҗҗәтләр бизгә илһам беғишлап, илгири бесишимизға дәвәт қилидиғанлиғи талашсиз. Ана йәр ишлигән адәмни һеч қачан қуруқ қол қоймиған. Шуңлашқа һөкүмәт тәрипидин берилидиған ярдәмдин үнүмлүк пайдилинип, мол һосул йетиштүрсәк, Президентимизниң Мәктүбигә әмәлий ишимиз билән җавап бәргән болимиз.

Нурәхмәт ИБРАГИМОВ,

«Бостан» дехан егилигиниң

рәһбири.

Әмгәкчиқазақ наһийәси.

711 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы