• Әхбаратлар еқими
  • 23 Қыркүйек, 2021

Мәктүп муһакимә қилинди

Рашидәм РӘҺМАНОВА,
«Уйғур авази»

Йеқинда Әмгәкчиқазақ наһийәлик мәслиһәтниң кативи Бекет Ахметов Дөләт рәһбири Қасым-Жомарт Тоқаевниң Қазақстан хәлқигә йоллиған «Хәлиқ бирлиги вә системилиқ ислаһатлар – дөләтниң гүллинишиниң мустәһкәм һули» Мәктүбини тәшвиқат қилиш, шундақла «Бизнесниң йол хәритиси – 2020» программисиниң әмәлгә ашурулуши вә округлардики муһим мәсилиләрни муһакимә қилиш мәхситидә йеза округлирини арилап чиқти. 
Маливай йезисида саһалар рәһбәрлири вә җәмийәтлик ишлириниң активистлири билән болған учришишқа Әмгәкчиқазақ наһийәлик мәслиһәтниң депутати, Челәк мәркизий ағриқханиси баш дохтуриниң орунбасари Рустәм Идрисов иштрак қилди.
Бекет Төлегеноғли әң алди билән бийилқи әң муһим сәнә – елимиз Мустәқиллигиниң 30 жиллиқ тәвуллудиға мунасивәтлик маливайлиқларни тәбрикләп,  мустәқилликниң қазақстанлиқларға берилгән әң чоң бәхит һәм байлиғи екәнлигини атап өтти. Андин Дөләт рәһбири Қасым-Жомарт Тоқаевниң Қазақстан хәлқигә йоллиған «Хәлиқ бирлиги вә системилиқ ислаһатлар – дөләтниң гүллинишиниң мустәһкәм һули» Мәктүбидә көрситилгән елимизниң келәчәк тәрәққияти вә реҗилири, алдики тәрәққият стратегиясиға тохталди.
– Өзәңларға  мәлумки, Мәктүпниң биринчи қисми, оттура муддәтлик ихтисадий сәяситимизни ениқлап, дөләтлик тәшәббусларни системилаш үчүн 2025-жилғичә бәлгүләнгән Миллий тәрәққият планиға беғишланди, – деди мәслһәт кативи сөзини давамлаштуруп.  – Дөләт Рәһбири мошу йосунда “Аддий нәрсиләр ихтисади” вә “Бизнесниң йол хәритиси – 2020” программилириниң қәрәлини 2022-жилғичә узартиш һәққидә қарар қобул қилди. 2021-жилниң бешидин башлап Әмгәкчиқазақ наһийәси даирисидә “Бизнесниң йол хәритиси – 2020” программиси бойичә 53 лайиһә  (умумий баһаси – 261,7 миллион тәңгә) ашурулмақчи. Ушбу программа бойичә йеңи бизнес-идеяларни әмәлгә ашуруш мәхситидә йәттә кичик тиҗарәтчилик субъекти 13,5 миллион тәңгилик дөләт грантини утувалди.
Мәслиһәт кативиниң тәкитлишичә, “Аддий нәрсиләр ихтисади” программиси бойичә 14 лайиһәгә 4 миллиард 556 миллион тәңгә бөлүнгән.
Мәктүптә озуқ-түлүк мәһсулатлириниң баһасини бәлгүләш вә йеза егилиги ихтисадини көтириш вә саһа бойичә моҗут мәсилиләрни һәл қилиш бойичә тегишлик чариләрни қобул қилиш жүкләнгән.
Әмгәкчиқазақ наһийәси ихтисадиниң асасий драйвери – йеза егилиги. Шуңлашқиму ушбу саһани риваҗландуруш күн тәртивидики әң муһим мәсилиләрниң бири болуп һесаплиниду. Үстимиздики жилниң йәттә ейида 47 миллиард 656 миллион тәңгә миқдарида йеза егилиги мәһсулати  йетиштүрүлди. 
Һазир наһийәдә баһаси 17 миллиард 506 миллион тәңгә туридиған 20 лайиһә әмәлгә ашмақта. Нәтиҗидә 352 турақлиқ вә 70 мәвсумлуқ иш орнини ечиш  мүмкин болмақта.
Чәтәллик технологияләр йеза егилигигә җәлип қилиш керәк. Жилниң бешидин 19 округ 546 миллион тәңгилик 56 йеңи йеза егилиги техникисини сетивалди. 
            Өткән жили Қорам вә Көктөбә йезилирида йеңи амбулаторияләр селинди. Челәк мәркизий ағриқханисида жөндәш ишлири жүргүзүлди. Шундинму келәчәктә наһийәдә 37 саламәтликни сақлаш объектини селиш вә 15 бенани ремонтлаш һаҗәт. 
Сүпәтлик билим – аңлиқ әвлатниң озуғи. Наһийәдә барлиғи болуп 253 билим бериш мәһкимиси бар, уларда 5628 педагог паалийәт елип бармақта. Мәзкүр саһада проблемиларму йетәрлик. Мәсилән, асасий пәнләр бойичә йеңи оқуш жилида 119 муәллим йетишмигән. 
Наһийәдә балилар сани көпәймәктә. Шуниңға бағлиқ үч сменилиқ мәктәпләрниң саниму жилдин-жилға көпийиватиду. Һазир Ишиктә шәһиридики В.Терешкова намидики, Абылай хан намидики, Ташкәнсаз йезисидики Һ.Абдуллин намидики вә Қазақстан йезисидики Ж.Қайыпов намидики оттура мәктәпләрдә балилар үч сменида билим еливатиду. Шуңлашқиму 12 ихчам мәктәпниң орниға йеңи мәктәпләр селиш вә бәш мәктәпни җиддий җөндәштин өткүзүш керәк. Йезидики мәктәпләрниң маддий-техникилиқ базисини тәрәққий әткүзүш лазим. 
Андин мәслиһәт кативи наһийә округлирида селинған  «Ворк Аут» спорт мәйданчилири вә стадионларниң қурулуши, йол инфрақурулимлирини яхшилаш, ичимлик су, «Нұрлы жер» программиси бойичә  турушлуқ өйгә новәттә турған турғунларға пәтирләрниң берилиши, йезиларни йешилзарлиққа айландуруш вә башқиму мәсилиләргә тохталди.
Ахирида йеза турғунлири мәслиһәт кативиға өзлирини ойландурған соаллирини қоюп, уларға тегишлик җавап алди. 

Әмгәкчиқазақ наһийәси.
 

595 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы