• Әхбаратлар еқими
  • 23 Қыркүйек, 2021

Тәрәққиятқа башлайдиған һөҗҗәт

Җәмийәт һаятиға мисқаллап кирип, патманлап чиқиватқан пандемия Қазақстанниңла әмәс, инсанийәтниң қәлбини бозлитип, һәләйкүмгә салмақта. Елимиз Президенти Қасым-Жомарт Тоқаевниң “Хәлиқ бирлиги вә системилиқ ислаһатлар—дөләтниң гүллинишиниң мустәһкәм һули” намлиқ әнъәнивий Мәктүби мошундақ мурәккәп вәзийәттә елан қилинди. Дөләт рәһбириниң бу Мәктүби—Қазақстан хәлқини ениқ стратегиялик тәрәққиятқа башлайдиған вә мәзмун билән нәтиҗини таразиға тәң тартқан конструктивлиқ һөҗҗәт.
Президент Мәктүбидә асасән дуниявий геосәясий әһвал, ташқи мунасивәтләр, хәлиқара бирләшмиләрниң зиммисидики вәзипиләргә қариғанда ички мәсилиләргә әтраплиқ тохталди. Ениғирағи, Мәктүп бешидин ахириғичә иҗтимаий саһаларға, миллий бирликкә, ховуп туғдуруватқан хейим-хәтәрләрниң алдини елишқа, квазисекторларниң паалийитини җанландурушқа, кичик вә оттура тиҗарәтни мәбләғ билән тәминләшниң нәтиҗидарлиғини ашурушқа, қисқиси, новәт күткүзмәй һәл қилинишқа тегиш мәсилиләргә қаритилди. Хәлиқниң күткиниму мошу мәсилиләр еди. Һөкүмәткә ениқ тапшурмилар берилди.
Президент Қасым-Жомарт Кемелоғли қазақстанлиқларға йоллиған Мәктүбидә: “Йәм-чөп тәйярлашқа һаҗәт йәр көләмини кәңәйткән дурус. Шундақла етизларға һәр жили һәртүрлүк зираәт өстүрүш тәливини сақлаш үчүн һаҗәт назарәтни күчәйткән тоғра. Яйлақларни нәтиҗидарлиқ пайдилиниш наһайити муһим. Һазир мал бақидиған йәргә деханларниң қоли йәтмәйду. Чүнки бу яйлақларни айрим тонулған шәхсләр еливалған. Һәтта уни адәм басмайдиған қилип қоршавәткән. Һакимлар һәрхил сәвәпләрни банә қилип, тәсири күчлүк шәхсләрниң алдиға жиқилип, бу мәсилини һәл қилалмайватиду. Шәхсий қошумчә егиликләрниң мелини яйлақлар билән тәминләш мәсилисигә алаһидә көңүл бөлгән дурус”, дәп ениқ ейтти.
Мошу йөнилиштә Һөкүмәткә вакаләтлик органлар билән бирлишип җиддий вә ениқ қарарлар қобул қилиш керәклигини жүклиди.Һәтта мошу йөнилиштә көрситилидиған қоллаш усуллири мәхсус қанунда өз ипадисини тепиши керәклигини тапшурди. Бу чүшәнгән адәмгә—чоң қәдәм.
Хуласиләп ейтқанда, Қасым-Жомарт Тоқаев: “Дөләт рәһбириниң программисиға шәк кәлтүридиғанлар, әмгәк қилиш қолидин кәлмәйдиғанлар, Президентниң тапшурмилирини орунлаштин баш тартидиғанлар хизмитидин кетиши тегиш”, дегән пикирни очуқ ейтти. Наһайити тоғра пикир. Дөләт органлириниң  рәһбәрлири билән тегишлик саһа йетәкчилири жуқурида ейтилған пикирләр билән жүкләнгән вәзипиләрни чоңқур чүшинип, җавапкәрликни һис қилиши керәк.
Валипҗан ӘЙСАРОВ, 
дехан егилигиниң рәиси.  
Уйғур наһийәси.
 

243 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы