• Әхбаратлар еқими
• 23 Қыркүйек, 2021

Қазақстанға йеңи дэф коди бәкитилди

Рәқәмлик тәрәққият, инновацияләр вә аэрокосмос санаити министри Бағдат Мусинниң ейтишичә, БМТ йенидики Хәлиқара электралақә иттипақи Қазақстанға +997 дэф кодини бәлгүлиди. Һазир һаҗәт һөҗҗәтләр рәсмийләштүрүлүп, йеңи кодқа көчүш бойичә чарә-тәдбирләр әмәлгә ашурулуватиду. 
«Әнди бизниң әлдин башқа дөләткә телефон қилғанда, чәтәлликләрниң телефонида «Қазқстан» дегән йезиқ чиқиду. Шундақла хәлиқара дәриҗидики рәқәмлик сервисларни пайдиланғандиму барлиқ йәрдә “Қазақстан”дегән  йезиқ чиқиду»,– деди министр.
  «Биз Қазақстанға тәәллуқ болған хәлиқара кодқа қол йәткүзүш үчүн бултурдин бери коммуникация саһасидики ширкәтләр билән һәртәрәплимә ишларни  әмәлгә ашуруп келиватимиз. Мошу музакириләр нәтиҗисидә бизниң елимизгә мустәқил +997 коди бәкитилди», – дәп тәкитлиди министр.