• Әхбаратлар еқими
  • 07 Қазан, 2021

Европа иттипақиниң делегациясини қобул қилди

Қазақстан Президенти Европа иттипақиниң инсан һоқуқи бойичә мәхсус вәкили Имон Гилмор билән Европа иттипақиниң Мәркизий Азия бойичә мәхсус вәкили Тери Хакалани қобул қилди.
Учришишта  Қазақстан вә Европа иттипақи оттурисидики кәңәйтилгән шериклик һәм һәмкарлиқ даирисидики өзара һәрикәтниң һазирқи әһвали вә истиқбали муһакимә қилинди.
Дөләт рәһбири ЕИ делегациясини мәмликитимиздә жүргүзүлүватқан сәясий вә ихтисадий ислаһатлар, шундақла Авғанстанға инсанпәрвәрлик ярдәм көрситиш чарилири тоғрилиқ ейтип өтти.
Имон Гилмор Қазақстан вә Европа иттипақиниң сәясий һәм сода-ихтисадий һәмкарлиғиниң дәрижисини жуқури баһалап,  шерикликни техиму чоңқурлитиш үчүн алақиларни давамлаштурушниң муһим екәнлигини тәкитлиди.
ЕИниң инсан һоқуқи бойичә мәхсус вәкили  Қазақстан Президентиниң Брюссельға қилидиған алдики сәпириниң иккитәрәплимә мунасивәтләр тәрәққиятида муһим сәһипә болидиғанлиғини қәйт қилди.
ЕИ делегацияси Қазақстанниң Авғанстандики вәзийәтни турақлаштуруш мәсилисидә  регионда  лидер һесаплинидиғанлиғини алқишлап,  Қасым-Жомарт Тоқаевниң  БМТниң Авғанстанға ярдәм қилиш миссиясиниң идарисини  Алмутиға орунлаштуруш вә авған студентлирини қоллап-қувәтләш тоғрилиқ қарарини алаһидә тәкитлиди.
Имон Гилмор билән Тери Хакала шундаақла Президентқа Алмутида өтидиған “Мәркизий Азия­­ – Европа иттипақи” гражданлиқ форумиға Брюссельға вакаләтлик қилидиғанлиғини йәткүзди.

1610 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы