- Әхбаратлар еқими
- 14 Қазан, 2021
Һәмкарлиқни жуқури баһалиди
Қасым-Жомарт Тоқаев Азия тәрәққият банкиниң президенти Масацугу Асакавани қобул қилди, дәп хәвәрлиди Президент мәтбуат хизмити.
Қасым-Жомарт Тоқаев Масацугу Асакавани малийә институтиниң рәһбири лавазимиға сайлиниши билән тәбрикләп, Азия тәрәққият банкиниң Қазақстанниң иҗтимаий-ихтисадий тәрәққиятиға қошқан үлүшини жуқури баһалиди.
– 27 жил ичидики һәмкарлиқ даирисидә Азия тәрәққият банки Қазақстанниң ихтисадиға 6 миллиард долларға йеқин инвестиция салди. Бу мәбләғ тилға алғидәк нурғун вә һәмкарлиғимизниң утуқлуқ тәрәққий әткәнлигини көрситиду. Иккитәрәплимә һәмкарлиқни жуқури баһалаймиз һәм узақ муддәтлик вә өзара пайдилиқ мунасивәтләрни қоллашқа тәйяр, – деди Дөләт рәһбири.
Учришишта, шундақла, 2022 – 2026-жилларға беғишланған Қазақстан вә Азия тәрәққият банкиниң арисидики һәмкарлиқниң йеңи стратегиясини тәйярлаш мәсилисигә алаһидә әһмийәт берилди.
Өз новитидә, Масацугу Асакава Қазақстанниң пандемиягә қарши қобул қилған чарилиригә иҗабий баһа бәрди.
627 рет
көрсетілді0
пікір