• Әхбаратлар еқими
• 27 Қазан, 2021

Қазақстанда латин графикиси асасидики алфавит 2022-жили бәкитилиду

Латин графикиси асасидики қазақ алфатиниң ахирқи варианти 2022-жили бәкитилиду. Тәвсийә қилинған һөҗҗәткә асаслансақ, дөләт тилини тәрәққий әткүзүш мәхситидә қазақ тилини латин йезиғини пайдилиниватқанлар үлүшини 2022-жили – 20 пайизға, 2023-жили – 30 пайизға, 2024-жили болса 50 пайизғичә ашуруш планланмақта.
 Мошу көрсәткүчкә йетиш үчүн 2022-жили алфавитни тәстиқләш вә имла қаидилирини бәкитиш бойичә Президент Пәрмани қобул қилиниши лазим. Келәр жилдин башлап дөләт органлириниң, айрим мәһкимиләрниң вә миллий компанияләрниң иш һөҗҗәтлири қазақ тилиниң латин графикисиға көчүши башлиниду. Бу җәриянни 2025-жили аяқлаштуруш мәхсәт қилинмақта.
 Тәкитләш лазимки, Президент Қасым-Жомарот Тоқаевниң латин графикисиға көчүш тоғрилиқ Пәрмани умумий муһакимигә чиқирилған еди. Январь ейида болса, латин йезиғидики қазақ алфавитиниң йеңи варианти тәвсийә қилиниду дәп күтүлмәктә. Мәлумки, қазақ тилини латин графикисиға көчириш 2017-жили Қазақстанниң Тунҗа Президенти Н.Назарбаевниң тәшәббуси билән башланған еди. 2025-жилғичә йеңи алфавитқа көчүш мәхсәт қилинған. Амма кейин бу қәрәл 2031-жилғичә өзгәртилди.