• Әхбаратлар еқими
  • 27 Қазан, 2021

ҚХА — милләтләрара мунасивәтләр локомотиви

 

Өткән һәптидә елимиз Президенти, ҚХА рәиси Қасым-Жомарт Тоқаевниң рәислигидә Қазақстан хәлқи Ассамблеяси кеңишиниң кәңәйтилгән мәҗлиси болуп өтти. Мәзкүр мәҗлис Ассамблеяниң йеңи йолларни ениқлап, қазақстанлиқларни «Достлуқ» дәп аталған станциягә елип маңған, Қазақстанниң бирпүтүн миллитини шәкилләндүрүватқан, амма һәрбир хәлиқниң миллий әнъәнилирини, мәдәнийитини сақлап, тәрәққий әткүзүшни мәхсәт қилған милләтләрара разимәнликниң локомотиви екәнлигини йәнә бир қетим намайиш қилди. Бийил Ассамблеяниң қурулғиниға 26 толди. Мошу жиллар ичидә Ассамблея алдида һазирқи заман ховуп-хәтәрлири ишләшниң йеңи услублирини қойди, бирақ униң «Қазақстан җәмийитиниң бирлиги» дегән мәхсити һечқачан өзгәрмиди. 
 Мәҗлистә һазир Қазақстан җәмийити алдида турған нурғун мәсилиләр көтирилди. Иҗтимаий һаятқа мунасивәтлик, аҗришишларниң алдини елиш, яшлар арисидики суицидлар, наркоманияниң алдини елиш охшаш җиддий мәсилиләр шулар җүмлисидиндур. Бу ишлар билән ҚХА йенидики Анилар кеңиши шуғуллинип кәлмәктә.
 Мәҗлистә сөз алған яшлар вәкиллири Интернетта яшлар арисида кибербуллингниң тәрәққий етиш ховупи һәққидә ейтти. Мәлумки, ҚХА рәиси Қасым-Жомарт Тоқаев бу мәсилә һәққидә өзиниң Қазақстан хәлқигә йоллиған Мәктүбидә тәкитлигән еди. Президент йәнә бир қетим йәрлик һакимийәтләргә Анилар кеңәшлиригә вә яшлар һәрикәтлиригә һәртәрәплимә ярдәм беришни тапшурди. Тәкитләш лазимки, Ассамблея пидаийлири Интернеттики әйнә шундақ контентларни назарәттә тутмақта, һаҗәт болған әһвалда тәкшүрүш үчүн салаһийәтлик органларға мәлуматларни йәткүзүп бериватиду.
 Ассамблея кеңишиниң мәҗлисидә көтирилгән мәсилиләрниң һәммиси һазир муһим әһмийәткә егә болмақта. Оқуғучиларға, болупму мәктәп тамамлаш алдида турған яшларға келәчәк кәсип таллаш мәсилисини чүшәндүрүш муһимдур. Бу ишлар яшларниң бәлгүлүк бир мутәхәссисликни егиләш үчүн алий оқуш орнини таллашқа имканийәт бериду. Биз, ҚХА яшлири, бирнәччә жил давамида мошундақ лайиһиләрни әмәлгә ашуруватимиз. Бу йөнилиштә келәчәк егилиригә йеқинқи 5, 10, 15 жилда әмгәк базирида еһтияҗи жуқури болидиған 20 кәсипни тонуштурдуқ. Шундақла рәқәмләштүрүш, аләмшумуллаштуруш дәвридә йоқилип кетиш еһтимали жуқури кәсипләр һәққидә чүшәнчә бәрдуқ. Уларниң орниға йеңи кәсипләр пәйда болиду. Шуңлашқа кәсип таллашта яшларға чоң җавапкәрлик жүклиниду. Сәвәви, улар келәчәктә һәрхил саһаларда әмгәк қилип, елимиз ихтисадиниң риваҗлинишиға өз үлүшини қошидиған болиду.
 Қандақла дәвир болушидин қәтъий нәзәр, инсан үчүн достлуқ, турақлиқ, ярқин келәчәккә ишәнчә дайим муһим әһмийәткә егә болиду, бу чүшәнчиләр бизниң қенимизда бар. Шуңлашқиму Президент мәҗлистә Ассамблеяниң ролини алаһидә тәкитлиди. Чүнки Ассамблея алдида милләтләрара разимәнликни күчәйтиш охшаш җиддий вәзипә туриду. 

 Рустәм ХӘЙРИЕВ, 
ҚУЯБ рәиси, ҚХА әзаси. 

328 рет

көрсетілді

1

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

gxeyvqmmml

28 Қазан, 2021

-- gxeyvqmmml http://www.g8l78nkcer484j4d3l1n4i349fv81j1zs.org/ <a href="http://www.g8l78nkcer484j4d3l1n4i349fv81j1zs.org/">agxeyvqmmml</a> [url=http://www.g8l78nkcer484j4d3l1n4i349fv81j1zs.org/]ugxeyvqmmml[/url]

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы