• Қазақстан тәуелсіздігіне 30 жыл
  • 04 Қараша, 2021

Яшанғанлар байқиши

Алмута шәһири Алатав наһийәси һакимийити йенидики Ақсақаллар кеңиши Қазақстан Җумһурийити Мустәқиллигиниң 30 жиллиғиға беғишлап өткүзгән чарә-тәдбиргә наһийә бойичә он йәттә мәлиниң ансамбльлири қатнашти. Җүмлидин Һөҗҗәт, Алғабас, Шапағат жутлиридин сирт, йеңидин қурулған мәлиләр ансамбльлириму бар. Алаһидә атап кетидиған йери, байқашқа пәқәт йеши атмиштин алқиған чоңлар қатнашти. Улар қазақ, уйғур, рус, татар, өзбәк хәлқиниң нахшилирини яңритип, хәлиқләр достлуғиниң асасий күч екәнлигини намайиш қилди. 

«Яхшиниң яхшилиғини ейт, қәдри ашсун» дәйдекән дана хәлқимиз. «Шапағат» (илгәрки Заря Востока) мәһәллисидә әйнә шундақ қәдри ейтип түгәткүсиз инсанларни көпләп учритишқа болиду. Шуларниң бири — Һезбуллам Сетәков. Йеқинда йеңидин сайланған «Шапағат» микрорайони Ақсақаллар кеңишиниң рәиси Махмутҗан Имировниң һамийлиғи, күч чиқириши вә жут ақсақалимиз Һезбуллам ака Сетәковниң тәшәббуси билән йезилиқ Уйғур мәдәнийәт мәркизи йенида миллий чалғу әсваплири өмиги, қисқиси, илгәрки «Арзу» ансамбли қайтидин қурулуп, мана бүгүн дәсләпки концерт программисиниму көрситип үлгәрди. Дутарчи Аблеким Сидиқов, равапчи Әркин Сетәков, дапчи Ризайдин Салихов, тәмбирчи Җалалдин Йүсүповтин ибарәт ансамбль әзалири өз маһаритини сәһнидә намайиш қилди вә «Әң яхши ансамбль» номинацияси бойичә диплом вә ахчилиқ мукапат билән тәғдирләнди. 
Бойидики туғма таланти – дутар, тәмбир, сатар челиш — Һезбуллам акиниң қенида бар. Уларниң аилисидикиләрниң һәммисила дегидәк сазәндиләр. 1982-жили Һезбулламниң тәшәббуси билән Заря Востока йезисида «Арзу» уйғур миллий ансамбли қурулиду. Мана шу күндин тартип Аблеким, Ризайдин, Әркин, Җалалдин, Зәйнавдун — мошу ансамбльниң әзалиридур. Ишқиваз сәнъәткарлар пәқәт уйғурниңла әмәс, башқа милләтләрниңму нахша-сазлирини орунлап, хәлиқ алқишиға сазавәр болған. Шәһәрлик, наһийәлик көрүкләргә қатнишип, лауреат аталған. Ансамбль кеңәш дәвридики «Алитағ» уйғурчә көрситишләр программисидин мустәһкәм орун алған еди. 1983-жили Һезбулламни Уйғур театриға ишқа тәклип қилиду. «Нава» ансамблиниң тәркивидә 1993-жилғичә ишләйду. Театрдин кетиши билән йәнила ишқиваз сәнъәткарлар өмигиниң ишини җанландурушқа киришип кетиду. Йәкүнини мана көрүватимиз.
Һезбулламниң һаятида униң спортқа болған қизиқишиму наһайити бесим. Асасән футбол десә, һазирму, саламәтлиги яр бәрсила, ичиватқан чейини ташлайду. 2000-жили 40тин алқиғанлар арисида футболдин мусабиқә өткүзүшниң тәшәббускари болған. Бу иши үчүн Һезбуллам Сетәков Алмута шәһәрлик футбол федерациясиниң маддий вә мәнивий соғилири билән тәғдирләнгән.
Һезбуллам ака рәһбәрлигидики ансамбль әзалириға йәниму егиз чоққилардин көрүнүш, миллий нәғмилиримизни тохтатмай яңритип туруш тилигини йоллиған болар едуқ.

Авут ДАВУТОВ. 
Алмута шәһири. 


 

270 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы