• Асасий мақалилар
  • 04 Қараша, 2021

Вәзипә – әмәлий рәқәмләштүрүш

Қасым-Жомарт Тоқаев Digital Era Lifestyle мавзусида өткән әнъәнивий Digital Bridge хәлиқара технологиялик форумға қатнашти.
Чарә-тәдбиргә шундақла Президент Мәмурийитиниң рәһбирий тәркиви, Премьер-министр вә Һөкүмәт әзалири, дөләт органлириниң, бизнес-қурулумларниң рәһбәрлири, елимиз вә хәлиқара экспертлар иштрак қилди.
Чарә-тәдбир давамида Президентқа стартаплар аллеясини тонуштурди вә Astana Hub IT-экосистемисиниң еқимдики паалийити тоғрилиқ әхбарат бәрди. 
Андин кейин Қасым-Жомарт Тоқаевниң рәислигидә Рәқәмләштүрүшни җарий қилиш мәсилилири бойичә комиссияниң мәҗлиси болуп өтти.
Дөләт рәһбири учришиш қатнашқучилирини тиңшап болғандин кейин нутуқ билән сөзгә чиқти вә әмәлий рәқәмләштүрүшниң бизниң стратегиялик вәзипимиз вә дөлитимизниң әвзәллиги екәнлигини тәкитлиди.
Қасым-Жомарт Тоқаев әйнә шуниңға асасланған һалда диққәтни бирқатар муһим вәзипиләргә қаритишниң зөрүр екәнлиги тоғрилиқ билдүрди. Дөләт рәһбири, җүмлидин дөләт хизмәтлириниң мәзмунини турақлиқ йеңилашниң муһим екәнлигини атап көрсәтти.
Президент Һөкүмәткә «Атамекен» Миллий тиҗарәтчиләр палатиси билән бирликтә көрситиливатқан барлиқ дөләт хизмәтлирини тәкшүрүшни вә уларниң рәқәмлик оптималлаштурулушини тәминләшни тапшурди вә икки әң проблемилиқ саһани – қурулуш вә йәр мунасивәтлири – саһалирини атап көрсәтти.
Дөләт рәһбири қурулуш саһасидики әһвал тоғрилиқ гәп қилип, техникилиқ-ихтисадий асасларни, лайиһә-сметилиқ һөҗҗәтләрни вә дөләт экспертизисини тәйярлиғанда, қәғәз һөҗҗәтләрдин рәқәмлик шәкилгә басқучлуқ өтүшниң зөрүр екәнлигини билдүрди. 
Президентниң тәкитлишичә, йәр мунасивәтлири саһасида рәқәмләштүрүш йәрни тәхсим қилиш вә новәткә бағлиқ проблемиларни һәл қилишқа ярдәм қилиду.
Қасым-Жомарт Тоқаев рәқәмләштүрүш үчүн җавапкәр вице-министрлар ишиниң нәтиҗисини тәнқит қилди. Президентниң сөзичә, уларниң асасий вәзиписи еқимдики бюрократлиқ иштин әмәс, бәлки рәқәмлик ислаһатларни вә өзгиришләрни әмәлгә ашуруштин ибарәт болуши керәк.
Президент нутқиниң айрим қисми ички IT-индустрияниң риқабәткә тақабиллиғиға беғишланди. Қасым-Жомарт Тоқаевниң тәкитлишичә, әмәлиятта елимиз бизнеси бу саһада толуқ ички базарға, көп җәһәттин дөләт вә квазидөләт секториниң тәливини қанаәтләндүрүшкә нишан қилинған.
– IT-мәһсулатни экспортқа чиқириш – елимиз ихтисадини диверсификацияләшниң муһим йөнилишлириниң бири болалайду вә шундақ болуши керәк. Биз һазирниң өзидә дәсләпки қәдәмни ташлидуқ. Бүгүн биз көргәзмидә риқабәткә тақабил IT-мәһсулатни, шундақла күчлүк IT-командиларни көрдуқ. Уларға һәртәрәплимә ярдәм қилиш керәк, – деди Дөләт рәһбири.
Президент шундақла IT-билим сүпитигә диққәт ағдуруп, бу мәсилини «миллий миқияслиқ вәзипә» дәп атиди.
– Һөкүмәткә шәхсий IT-мәктәпләрни аммивий IT-кадрларни тәйярлашқа җәлип қилиш мәсилисини қараштурушни тапшуримән. Дөләт башқурушиниң IT-квалификациясини ашуруш айрим диққәтни тәләп қилиду. Дөләт хизмәтчилири технологиялик йеңилиқларни чүшиниши, вақиә вә мәлуматларни системилиқ тәһлил қилишни билиши шәрт. Улар IT-бизнес билән бир тилда сөзлишиши керәк, – деди Қасым-Жомарт Тоқаев.
Дөләт рәһбири мәмликәттики Интернет вә алақә сүпитигә нарази екәнлигини билдүрди.
Қасым-Жомарт Тоқаев шәхсий мәлуматларниң бехәтәрлигини тәминләшни йәнә бир муһим мәсилә дәп атап көрсәтти.
Дөләт рәһбири ахирида комиссия әзалириға вә тәклип қилинған экспертларға мәзмунлуқ диалог үчүн миннәтдарлиқ изһар қилип, барлиқ мәнпийәтдар тәрәпләрниң қатнишишиниң комиссия ишини йеңи дәриҗигә елип чиқидиғанлиғиға, Қазақстанниң рәқәмлик өзгиришини тәминләйдиғанлиғиға ишәнчә билдүрди.
Хәлиқара технологиялик форумда шундақла Қазақстан Җумһурийитиниң рәқәмлик тәрәққият, инновацияләр вә аэрокосмос санаити министри Бағдат Мусин, McKinsey&Companyниң чоң шериги Томас Уолтер Ишервуд, Huawei компаниясиниң Евразиядики регионлуқ вакаләтханисиниң президенти Дэниэл Чжоу, «Казахтелеком» акционерлиқ җәмийитиниң башқарма рәиси Қуанышбек Есекеев вә StrategEast йеңи ихтисат мәркизиниң президенти Анатолий Моткин сөзгә чиқти. 
 


 

766 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы