• Әхбаратлар еқими
• 25 Қараша, 2021

9 миң автомобиль экспорт қилди

2021-жилда Қазақстан Җумһурийитидә 556,9 миллиард тәңгилик 71,245 техника бирлиги ишләп чиқирилди. Автомобильларни экспорт қилиш мәмликәт ихтисади вә Қазақстан автомобиль ишләпчиқириш санаитини тәрәққий әткүзүш үчүн стратегиялик җәһәттин муһим болуп қалмақта.
2021-жилниң тоққуз ейидә автомобиль йәткүзүш 61 пайизға өсүп, 64,1 миллиард тәңгилик 9,694 автомобиль ишләп чиқирилди. Чәт әлләргә сетилған автомобильларниң асасий қисми Россия Федерациясигә (5.559 бирлик) тоғра келиду. Шундақла Өзбәкстанға 3.559, Беларусьға – 464 бирлик, Қирғизстанға 110 вә Әзәрбәйҗанға 2 бирлик әвәтилди. Мошуниңға қаримай, елимиз автомобиль ишләп чиқарғучилири мәзкүр саһани тәрәққий әткүзүшни давамлаштуруватиду.
Қазақстан Автомобиль тиҗарити иттипақиниң мәлуматлиричә, 2021-жилниң он ейи ичидә Қазақстанда барлиқ типтики 71245 автомобиль васитиси ишләп чиқирилди. Бу өткән жилниң мошу вақти билән селиштурғанда 15,2 пайиз нурғун. 2020-жили 61,857 техника бирлиги чиқирилған. Миллий статистика бюросиниң һесаплишичә, автомобиль санаити ишләп чиқарған мәһсулатниң умумий баһаси 556 миллион тәңгини тәшкил қилған. Бу өткән жилниң он ейиниң нәтиҗиси билән селиштурғанда (460 миллион тәңгә) 20,8 пайиз нурғун. Асасий көләмни йеник машинилар – 61,754 бирлик (+19,2 пайиз) тәминлимәктә. Шундақла жүк машинилирини ишләпчиқириш көләмиму 7,799 бирликкә көпәйгән. Буниңдин ташқири, 916 автобус, 548 прицеп вә йерим прицеп, 228 башқиму ихтисаслаштурулған техника бирлиги ишләп чиқирилди.