• Әхбаратлар еқими
  • 25 Қараша, 2021

Жүкләрни қобул қилишқа тәйяр

Хитай Қазақстан тәрәптә туруп қеливатқан жүкләрни әвәтишни өз зиммисигә елиш нийитидә, дәп хәвәр қилиду Қазақстан Җумһурийити Малийә министрлигиниң дөләт кирими комитети. Йеқинда икки мәмликәтниң мәнпийәтдар дөләт органлири вәкиллири оттурисида пандемия шараитида чегаридики автомобиль вә төмүрйол өткүзүш пунктлириниң ишләш мәсилиси бойичә музакириләр өтти.
“Тәрәпләр Қазақстан ­– Хитай дөләт чегарисида автомобиль вә төмүрйол өткүзүш пунктлирида өткүзүш қабилийитини ашуруш, автотранспорт васитилиригә вә жүкләргә нисбәтән эпидемиягә қарши чарә-тәдбирләрни жүргүзүш бойичә бирләшкән чариләрни көрүшкә келишти”,  дәп хәвәр қилиду комитеттикиләр.
Музакириләрдә Қазақстан делегациясигә малийә министриниң орунбасари Марат Султанғазиев, Хитай тәрәпкә ХХҖ Шинҗаң-Уйғур Автоном Райони Хәлиқ һөкүмити рәисиниң орунбасари Лю Сушэ рәһбәрлик қилди.
“Ғалҗат” – “Дулати” өткүзүш пунктиниң паалийитини әслигә кәлтүрүш үчүн Хитай тәрәптә өткүзүш пунктлириниң эпидемиягә қарши бехәтәрлигини тәминләш үчүн қошумчә қурулуш ишлирини жүргүзүш һаҗәт. ХХҖ ШУАРниң Хәлиқ һөкүмити қәтъий эпидемиологиялик чариләр сақланған әһвалда Қазақстан ­– Хитай чегарисидики “Майкапчағай” ­– “Зимунай” автомобиль өткүзүш пунктиниң паалийитини әслигә кәлтүрүшкә тәйяр екәнлигини хәвәр қилди.
Шундақла Хитай Хәлиқ Җумһурийити пат-йеқинқи вақитта Қазақстан йөнилишидә төмүрйол составлириниң санини көпәйтиш вә биз тәрәптә туруп қеливатқан жүкләрни қобул қилиш нийитидә екәнлигини тәстиқлиди.
 
 

174 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы